Ich Ott von Lonstorf vnd ich Reitz sein Hausvrowe vnd Ich Ott ir paider sun, Tu°m Techent vnd Chorherr datz Pazzaw wir veriechen offenbar vnd vnuerschaidenleichen vnd tun chunt allen den, di den Brief sechent oder ho^erent lesen, di nu sint, oder hernach chümftig werdent, Das wir mit wol bedachtem mu°t vnd nach rat vnser pesten vreunt vnd mit gunst vnd gutem willen aller erben ze der zeit, do wir es wol getu°n machten, verchauffet vnd ze chauffen geben haben dem erbern Gotshaus vnd der Sammung datz sand Florian den Hof datz Anger, der gelegen ist in Newnkircher pfarr, der weilen vnser recht lechen was von dem Pistum datz Pazzaw vad vns geviel an rechtem tail mit fürzicht aller erben mit alle deu, vnd ze recht dar zu^e geho^eret, ze Holtz, ze Veld, ze Dorf, mit allem Wismad, gestift oder vngestift, versucht oder unuersu^echt also, das wir noch dhain erbe fürbas ewichleichen dhain ansprach schullen haben noch gewinnen nach dem Torgenannten hof datz Anger, noch nach alle deu, vnd ze recht dar zu^e gehöret. Wir veriechen auch, das wir alles des geltes bericht vnd gewert sein gantz Vnd gar, das uns verhaizzen was von dem oft genanten Gotshaus vnd von der Sammung datz sand Florian vmb den e geschrieben hof datz Anger. Wir veriechen auch, das wir den oft genanten Hof datz Anger auf geben haben dem wirdigen Vnd hohem Fürsten Pischolf Albrechten ze Pazzaw, vnd der selb vnser genediger herr den vor benannten hof datz Anger vnd alles das, das darzu° geho^eret, dem vorgeschrieben Goteshaus gestetet hat mit vrchünd seiner vnd seines Capitel brief vnd hantvest datz Pazzaw. Wir wellen vnd schullen auch des vorgenanten Goteshaus vnd der Sammung gewer sein an aller der stat, vnd in des durft geschicht, fur alle ansprach des e genanten hofes datz Anger. Das di wandlung stêt vnuerchert beleib, dar vber gib ich Ott von Lonstorf den offen brief ze vrchünd vnd ze einem woren gezeug diser sache bestêtet vnd bewart, versigelt mit meinem anhangundem Insigel vnd meines sunes Insigel hern Otten Tu°m Techentz vnd Chorherren ze Pazzaw vnd mit meines vetern Insigel hern Vlreiches von Lonstorf, vnd dar zu° sind der sach dis erbern gezeug her Raimprecht vnd her Fridreieh paid bruder von Walsse, her Alber von Volchenstorf, her Hainreich von Volchenstorf, her Libawn von Truschen, her Marchart von Chersperch, her Ruger Wolfstain, Ditmar Wolfstain, Vlreich von Husendorf vnd ander erber leut mer, den dev sach wol chunt ist vnd gewizzen. Der brief ist geben nach Christes geburd vber Dreuzechen hundert jar, in dem acht vnd dreizzigstem jar an sand Peters vnd Paules Abent.

Source Fulltext: OÖUB 6 (Wien 1972) S. 271f., Nr. 267