Ne ea, que geruntur in tempore simul labantur cum tempore, oportet ea literarum testimonio stabiliri, Proinde nos Heinricus diuina miseracione Prepositus, Fridericus Decanus Totusque domus Saucti Floriani conuentus ad noticiam vniuersorum tam presencium quam futurorum cupimus peruenire, quod honestus vir Chunradus dictus Fuerter amicus nostre ecclesie specialis viuus et incolumis in Monasterio nostro sibi eligens sepulturam quandam summam pecunie aput nos habens in Reposito, quam pro remedio anime sue ecclesie nostre legauit, taciensque tale de predicta pecunia testamentum, quod Prelatus, qui pro tempore fuerit, de camera sva vni fratrum de conuentu, qui sibi ad hoc placuerit, qui missam in Capella Sancte Marie singulis diebus sabbatis de beata Virgine cum collecta pro defunctis celebrare debebit, V. solidos denariorum Wiennensium annis singulis inperpetuum ministrabit. Item ordinauit, quod in anniuersarii sui die jdem Prelatus dominis de Conuentu dimidiam libram denariorum ministrare debebit, pro quo (sic) fratres de conuentu eundem diem anniuersarii sui cum vigilia et missa defunctorum quemadmodum vni eorum fieri consueuit, peragere tenebuntur. Item ordinauit, quod eodem die dimidia libra denariorum de camera Prelati inter religiosas mulieres et pauperes distribui debeat, qui pro salute anime sue deum exorare debebunt, quorum omnium summa ad XIII. solidos se extendit. Nos uero Heinricus dicte Ecclesie prepositus dictos XIII. solidos per nos nostrosque successores, sicut est prescriptum, porrigendos ad bona ecclesie nostre per nos conparata deputavimus infrascripta, videlicet ad predium, quod wlgariter datz dem Reutmair dicitur in Travngev situm I talentum reddituum, et ibidem ad aliud, quod datz dem Fletzen nuncupatur, lx denarios reddituum, jtem ad decimam, quam in Parrochia Sancti Oswaldi habemus, dimidium talentum reddituum deputamus, quod si per nostram negligenciam legitimo impedimento non obstante prefati Chunradi ordinacio fuerit pretermissa, ex tunc proximus de linea sui generis omnes prenominatos redditus de nostra permissione voluntaria in suam recipiat potestatem eosdem tanto tempore possidendo, quoadusque talis negligencia fuerit plenarie reuocata; faeta emendacione, ille, qui pretextu talis negligencie de ipsis possessionibus se intromiserat, nichil habebit vlterius disponere cum eisdem, quod si forte ad restitucionum (sic) eorundum se difficilem redderet, super rehabicione ipsorum aduocati nostri auxilium tenebimur inuoeare. Nos igitur pie donacioni dieti Chunradi gratam vicissitudinem rependere cupientes, ad omnia et singula supradicta fideliter et perpetuo adimplenda nos successoresque nostros astringimus et firmiter obligamus. In cuius rei testimonium damus litteras sigillorum nostrorum munimine roboratas. Datum in domo nostra predicta Anno domini Millesimo CCCmo XLIIII°. jn die Benedicti Abbatis.

Source Fulltext: OÖUB 6 (Wien 1972) S. 473f., Nr. 468