Honorabili viro domino et amico suo Karissirno O. capellano beute virginis super littore in Wienna suus Albertus de Sancto Floriano humilis in Gmunden plebanus cum sinceritate fraterna obsequiosissimum animum in omnibus complacendi. Quod non dudum caritatem vestram meis sum literis allocutus, multarum occupationum et potius diuersarum tribulationum attritio, quam nunc multis diebus in finibus nostris, ut presentium exhibitor vobis referet, grauiter passi sumus, necessario hoc efficit nec propter hoc, quod lingua tacuit et calamus non arduit, Caritas, quam ad uos concepi tenaciter est extincta sed ut sol non minus in corde meo sub nube huiusmodi arsit interim et flammauit. Sane in literis vestris nuper receptis, quas in eonfraternitatis vere et sincere signum a uobis habere requirerem, vestra sinceritas indagauit, cui ad presens, donec ad uos personaliter reniam . . . domino concedente respondeo per presentes exigens cum desiderio et feruore, quatenus mei tamquam frequenter cum leuiathan pugnantis orationibus fidelium indigentis in vestris specialibus deuotionibus cottidie memoriam habeatis et si uobis superstite decedere me contingat, triginta missas defunctorum sine intermissione legatis pro mee anime requie et salute, ad quod uobis vice versa fide data fideliter me assigno. Ceterum latori presentium Clericorum omnium zelatori purissimo, qui ut fratri suo multam mihi facit promotionem, me diligentius committatis, ut vices dilectionis vestre pro me agere non cesset, quemadmodum inchoauit.

Source Fulltext: OÖUB 6 (Wien 1972) S. 507f., Nr. 503