In nomine domini amen. Anno domini M°. CCC°. XI°V. In die sancti Ambrossii Ego Albertus de sancto floriano in Gmunden Plebanus elegi michi locum sepulture in sancto floriano fecique ordinacionem de rebus meis mobilibus ad vltinam meam voluntatem Presentibus dominis fratribus et socijs videlicet domino alberto wolfstain Canonico sancti floriani, Magistro Heinrico Plebano in Schirolfing, domino alberto Plebano de Travnchirchen, domino Alberto Lauterwechone, Jacobo Nevnmarchtario et socijs meis Martino, vlrico, Seifrido et Chunrado et alijs fide dignis. Illa, que deduxi et conportavi de sancto floriano Primo ad sanctum florianum vnam crucem argenteam, duas monstrancias cum reliquijs, duas ampullas argenteas, vnam pixidem argenteam, Item bibliam et Svmmam Johannis pro ereccione turris (?) ibidem. Item duo paria moralium Gregorij ad sacrarium ibidem, Item pannum sericum ad sacrarium pro Cappa ibidem, Item pannum pro Mappa altaris sancti Stanizlai ibidem, Item domino meo preposito ibidem Tria piccaria argentea, Item awunculo meo Elblino ibidem britonem et avroram cum duobus integris ornafibus, Item librum meum matutinalem domino vlrico plebano ibidem, Item in Englhartzcell Hvgwiconem, Item domino vlrico plebano in sancto Michale (sic) Communia Sanctorum, Item fratri Nycolao ordinis predicatorum in Chrems Omelias et vitas Patrum, Item Scolasticam Hystoriam ad nouam fundacionem domini Ewerhardi de Walse, Item Cuppulam argenteam domino abbati in Chremsmunster, Item fratri meo duas Cuppas argenteas et vxori sue Cingulum argenteum et vnam pellem. Item filio fratris mei duos libros sermonum, videlicet Jacobum de voragine et alium librvm sermonum, Item Sorori mee Agneti delegaui triginta libras denariorum, in quibus sum sibi obligatus, Item awunculo meo vlrico sacerdoti paruum librum Missalem et Svmmam theologyce veritatis et vnam summulam juris et breuiarium, Item Pueris Ruegeri de Sancto floriano sex libras denariorum, Item Jacobo Nevnmarchtario XVIII. libras, in quibus sum sibi obligatus. Item Ecclesie mee in Gmunden ornatum integrvm et antiphonarium et Gradwale per Musicam et duo psalteria. Item ad Hospitale in Gmunden librvm mevm missalem cum Epistolario et Ewangeliario cum sex libris denariorum pro Canponis (campanis?). Item Magistro Heinrico plebano de Schyrolfing libellum de Oculo et duabus libris denariorum, in quibus sum sibi obligatus. Item Socijs meis Chunrado permensem (parmensem ?), Martino pharatram (?), vlrico duos libellos vnum sermonum videlicet de sanctis, reliquum de jure Metrice, Item friderico Auream lingwam, Item in Traunchirchen dominabus xij. solidos, sociis sacerdotibus ibidem ½ talentum, jtem in Chremsmunster i. talentum, jtem tribus monasterijs ordinis Minorum fratrum in welsam, Linzam, in anasum iii. talenta, Item ad sanctum florianum fratribus ibidem i. talentum, jtem eisdem fratribus ad sanctum florianum XViii. Sacerdotibus cuilibet eorum ½ talentum, vt quilibet legat XXX. missas pro Requie anime mee. Ceteris ibidem de ordine infra Sacerdocium constitutis i. talentum, jtem ad Hospitale ibidem pro Missa pertua (perpetua) semel in Septimana, hoc est in feria Vi. Officium de passione domini adiuncta Collecta defunctorum XX. talenta, Pro quibus Redditus debent comparari et legens missam predictam V. denarios eodem die percepturus. Item Ecclesijs meis filialibus, primo in Olenstorf V. talenta, jtem ad sanctam Katerinam X. talenta, ad Sanctum Nycolaum V. talenta per meos socios expeditos(!).

Source Fulltext: OÖUB 6 (Wien 1972) S. 505ff., Nr. 502