Ich Jans der lanczenberger vnd ich Chunrat der Chuefinger vnd ich Philipp der Sibenhiert vnd ich Fridreich dez Sultzpechen o^eheim vnd all vnser erben veriehen vnd tu^en chunt offenbar an disem prief allen den, di in sehent oder horent lesen, di nu lebent oder hernach chunftig werdent, Daz wir einen halben hof, der haizzet an der wis vnd ist gelegen in Neunchirher pharr avf der ijpf, der vnser vreiz aigen ist gewesen vnd da wir auf getailt sein mit fu^ertzicht all vnserr vreunt vnd erben, Daz wir den selben halben hof haben verchauft recht vnd redleich mit alle dem vnd dar tzue geho^ert versuecht vnd vnuersuecht, wie iz sei genannt zden tzeiten, do wir iz wol getu^en mochten vnd mit gu^etleichem willen vnd mit rat aller vnser vreunt vnd erben Dem ersamen Gotshaus ze sand florian vmb vier vnd dreizzig phunt wienner phennig, der wir gantz vnd gar verricht vnd gebert sein. Wa^er auer, daz iemant vnserr vreunt oder erben wolt sprechen nach dem. e geschriben halben hof, der schol dem egenannten Gotshaus ze sand Florian geben hundert phunt wienner phennig vnd schol sich dann dez halben hofs an der wis vnderwinden mit dez Gotshaus gu^etleichem willen vnd e nicht. Vnd daz der chauf vnd di wandlung also stêt vnd vnuerchert beleib, dar vber geb wir dem oftgenanteii gotshaus ze sand Florian disen offen prief versigelt mit mein vorgenants Jansen des Lanczenperger anhangundem insigel; vnd wand wir Ch. der Chuefinger, Philipp der Sibenhiert vnd Fridreich dez Sulczpechen o^ehaim aigner insigel nicht haben, hab wir gepeten vnser na^echst vreunt vnd pest Fridreichen den Sulczpechen, Erchengern den Siebenhiert vnd vlrich den va^endorfer, das di ir insigel haben dar an gehangen an vnserr stat, vnd zu einer pezzern sicherhait vnd getzeug dez erbern Herren hern Heinreichs von volchenstorf, in dez gericht der hof ist gelegen. Der prief ist geben nach Christ gepu°rd Dreutzehenhundert jar, dar nach in dem fu^emf vnd viertzigistem jar an sand bartholomes abent.

Source Fulltext: OÖUB 6 (Wien 1972) S. 525f., Nr. 520