Wir Albrecht von Gotes gnaden Herzog ze Oesterreich, ze Steyer vnd ze Chernden Tun chunt mit disem brief Vmb di Vogttey vnd daz gut ze Windiberg, daz gen saud florian gehört, Darumb vnsern lieben vreunt Bischof Gotfrid von Pazzow von seins Goteshous wegen, vnd vnser getrewn lieben . . . . von Walsse von Ens von vnserr Vest wegen Wessenberch sto^ezzig vnd in chrieg gwesen sind, Daz wir vmb dieselben Vogttey enpfolhen hetten ze verhören vnd daz wir nach der chüntschaft, die nach derselben verhörung an vns bracht ist und ouch nach den briefen, di daz Goteshous von sand florian uber daz egenant gut hat, erfunden haben vnd vnser Lantherren, daz die vorgenant Vögttey dem Bischof vnd seinem Goteshous ze recht zugehöret vnd daz in die von Walsse chain irrung daran tun sullen, mit vrchund ditz Briefs; Geben ze Wien an Phinztag vor dem Sunntag, so man singet Invocavit nach Christs geburd Dreutzehen Hundert Jar, darnach in dem Sechs vnd viertzigistem Jar.

Source Fulltext: OÖUB 6 (Wien 1972) S. 543, Nr. 536