Divinis instruimur monitis et Apostolicis incitamur exemplis, vt necessitatibus pauperum christi pro modulo nostro subveniamus et temporalibus subsidiis eterne retribucionis premia conquiramus. Proinde nos Hainricus miseracione diuina Prepositus, Chvnradus Decanus totusque domus sancti Floriani Conuentus Ordinis sancti Augustini Patauiensis Dyocesis Notum facimus vniuersis presentem paginam inspecturis, quod christi fideles monasteriique nostri speciales amici ea racione, vt pauperes inde pasci deberent, nobis pecuniam, pro qua infrascripta bona sunt conparata, pro animarum ipsorum remediis erogarunt, Primo videlicet curiam in Prato, curiam in Anger, jn Gruennprvn vna hvba (sic), jtem in Hausmening tres solidos reddituum, jtem in Pvkching sexaginta denarios reddituum, jtem in Travngev curia in Lveg, jbidem curia in Revt, jbidem bona in Vrondorf molendino in Hag incluso, de quibus hospitalarius, qui pro tempore fuerit, dominis et fratribus nostris de conuentu in anniversario Dvringi dicti Pyber vnum talentum denariorum ministrabit; jtem in anniuersario domini Wihelmi de Wintzperch Prepositi Patauiensis vnum talentum similiter ministrabit; jtem in Windberch curia in Wolkeinstorf cum omnibus ad eam pertinentibus, jtem decimei nfrascripte nobis vacantes: Primo decima ad sanctum Petrum in Winnberch, jtem decima curie in Tann, jtem decima Heinrici dicti Chantzler, jtem decima in Maierstorf iuxta passagium ex opposito Ciuitatis linczensis inclusa decima quorundam ortorum predicte ciuitati adiacentes (sic), jtem decima quondam Marquardi Plebani sancti Viti. Et quia predicte deeime collacionem Prelati antea respexerunt, jdcirco in earundem reconpensacionem duas piscaciones in Pvching per nos emptas vna cum vasis argenteis ponderis viginti nouem marcarum argenti prelature duximus reliquendum, jtem decima in Travndorf et Posch, quondam Vlrici Plebani sancti Johannis, de qua rector hospitalis dabit jnfirmario singulis annis duodecirn solidos denariorum tenebitur ministrare; jtem vinee infrascripte, videlicet vinea in To^eblich, de qua hospitalarius dominis et fratribus nostris dabit in anniuersariis Levblini dicti Tuechler Ciuis de aneso et vxoris sue tria talenta, item quatuor ternarios vini de Mauttaren, de quibus idem Hospitalarius dabit in anniuersariis Simonis 'quondam muttarii linczensis et vxoris sue tria talenta, jtem vinea dicta amerstal, de qua dabit in anniuersario Friderici quondam plebani sanctiViti vnum talentum, jtem vinea dicta Hofinger, de qua idem Hospitalarius dominis de conuentu vnicuique duas canulas eiusdem uel equiualentis vini in crastino beate Anne ministrabit, jtem vinea dicta Reynprechtsrain, jtem vinea dicta Engweg, jtem vinea dicta Hohnestel. Que omnia et singula suprascripta bona de vnanimi consensu hospitali in subsidium pauperum erogamus, et de quibus deliberacione prebabita diligenti ordinacionein facientes subsequentem, quam a nostris successoribus humiliter exoramus in perpetuum obseruari, presertim cum ordinacio subscripta pro vtilitate monasterii sit principaliter adinuenta, cum ad sensum appareat, quod status laudabilis et bonus monasterii nostri sic continuatur hucusque, quod non nostre prouisioni sed diuine prouidencie et pauperum circum monasterium habitancium deuocioni asscribimus indubitanter. Ne igitur talium personarum deuocionem pro bono statu monasterii et pro supplendis negligenciis nostris deum continuo exorancium nulla consolacio subsequatur, quod vtique inconueniens iudicaremus et indignum, Preterea statuimus et vnanimiter ordinamus, quod rector hospitalis, qui pro tempore fuerit, de predictis omnibus et singulis bonis, inclusis bonis quibuscumque ab antiquo hospitali possessis vnam missam in hospitali singulis diebus procurare debebit jta, quod missa illa transeat de persona ad personam secundum ordinem inter conuentuales, sicut missa beate virginis et missa capituli, et illo die hospitalarius eidem vnam canulam de meliori vino, quod propinatur in villa, et vnam similam vel quinque denarios ministrabit. Et de residuo tringinta duos pauperes inclusis octo pauperibus prius in hospitali existentibus sedeeim superius et sedeeim inferius in hospitali pascere debet prebenda, que pauperibus in pane et in cibo ab antiquo in hospitali ministrari consweuit, hoc solum adiecto, quod sedecim superioribus vnieuique singulis annis tres solidos pro melioracione vestitus et eisdem sedecim superioribus cottidie vnicuique mediam canulam vini, canulam valentem duos denarios ministrare debebit. Et vt hospitalarius, qui pro tempore fuerit, vinum et frumentum suprascriptum comode valeat conseruare, granarium nouum iuxta antiquum superius dumtaxat et domum muratam in villa quondam Hainrici dicti Chanczler existentem eidem hospitali duximus adiungendum. Et ne de cetero quisquam successorum nostrorum possit infringere huius ordinacionis racionabilem concessionem, sigilli nostri et Conuentus nostri appensione iussimus insigniri. Siquis vero temerario ausu, quod absit, prefatum hospitale diruere, diminuere, distrahere quolibet ingenio vel machinacione temptauerit et res pauperum illic recipiendorum dissipauerit et inutiliter consumpserit, nouerit se diuina feriendum vlcione et districti examinis non euadere, nisi resipuerit, animaduersionem. Qui cumque vero largitate munerum suorum, prediorum, mancipiorum sev quolibet genere elemosinarum eidem hospitali subuenerit, a domino bonorum omnium remuneratore perpetue retribucionis premia recipiet in dubitanter, et cum exultacione manipulos laborum suorum in fine metet. Acta sunt hec in ecclesia nostra predicta anno domini Millesimo Tricentesimo Quadragesimo||
Octauo in natiuitate beate virginis Marie.

Source Fulltext: OÖUB 7 (Wien 1876) S. 70ff., Nr. 72