ICH Hannss von Capelln vnnd mein söhn bede Vllrich vnd Eberhartt veriechen vnd thuen khunt allen den, die nun sündt vnnd hernach khunfftig werdten, die disen brieff sechend oder lesen oder hörent lesen, das ich die müll ann dem griess zu St. Jo^ergenn mit aller der vnnd dartzue gehörtt, versuecht vnnd vnuersuecht, wie das genant ist, hab ich dieselbe müll geaygent hintz dem gottshauss zu Pulgarn vnd hab auch die aigenschafft also gegeben, das ich noch mein erben des khain ansprach noch khain recht nimermehr sollen haben auf dieselben mülle hinfüer ebigclich. das die red stätt vnnd vnuerkhert bleibe von vnnss vnd von allen vnsern erben, alss vor uerschriben ist, darüber so geben wier die vorgenanten ich Jannss von Capelle vnd mein sün beede Vllrich vnd Eberhart disen brieff zu ainem wahren vhrkhundte versigelt mit vnser aller drey anhangundten jnsiglln. Der brieff ist geben, da man zallt von Cristus gebuerth 1349 Jar an St. Angness tag.

Source Fulltext: OÖUB 7 (Wien 1876) S. 92, Nr. 92a