Nos Heinricus diuina miseracione prepositus, Chvnradus decanus totusque domus Sancti Floriani conuentus Notum facirnus vniuersis presentem paginam inspecturis, quod discretus vir dominus Marquardus tunc temporis ecclesie sancti Viti plebanus ob singularem dilectionem, quam ad nos et ad monasterium nostrum habere dinoscitur, nec non anime sue in remedium sempiternum, decimam suam in villa, que dicitur Harbrukk, nobis et ecclesie nostre predicte deliberacione prehabita diligenti donauit, quam officio infirmarie tali apposita condicione specialiter deputauit, quod infirmarius, qui pro tempore fuerit, post obitum ipsius de prefata decima dominis et fratribus nostris de conuentu ac aliis in ecclesia prebendatis quatuordecim diebus in aduentu domini, quolibet die singulis annis, pisces pro tribus solidis tenebitur ministrare, quapropter dilectioni sue, qua ecclesiam nostram amplecti videtur, toto conamine correspondere volentes, octauam omniurn sanctorum singulis annis cum medio festo de omnibus sanetis cum officio nocturno et diurno, sicut in ipso festo peractum est, peragere obligamur. Insuper sequenti nocte inmediate anniuersarium ipsius cum vigiliis et missa defunctorum peragere tamquam vni de fratribus nostris similiter obligamur. Et nichilominus adiungentes, quod infirmarius, qui pro tempore fuerit, illo die tredecim pauperes christi in jnfirmaria pascere debet ministrando eis in mane duo fercula cum pane sufficienti et vnicuique picarium vini, similiter per omnia fiat in cena ob remedium anime ipsius. Et vt predicta omnia et singula rata et inconcussa permaneant, presentem paginam eidem domino Marchardo tradimus sigilli nostri et conuentus nostri munimine roboratam. Datum anno domini M°. CCO°. Xl. VIIII. In vigilia Lavrencii Martiris.

Source Fulltext: OÖUB 7 (Wien 1876) S. 121f., Nr. 122