ICH Ullrich vonn Capelln vergich füer mich vnnd mein erben vnnd thuen khundt allen den, die nun sündt oder hernach khunfftig werdtenn, di disen brief Sechent vnnd lesent oder hörnt lesenn, dass ich vnnd mein erbenn geldten sollen viertzig pfund wienner pfening dem gottshauss hintz Pulgarn, vnnd hab auch jnn füer dieselben pfening gesatzt ich vnd mein erbenn zwaintzigckh schilling gellts wienner pfening, di das vorgenandt gottshauss zw Pulgarn soll haben auf mein gericht zu Häderstorff bey dem Champp, vnd wer mein richter ist zu Haderstorff, derselb soll ann allen füertzug dieselben zwaintzig schilling pfening gebenn alle jahre järlich gehnn Pulgarn zu zwayen quottembern jnn der vasten zechen schilling zu derselbenn quottember vnnd zechen schilling zu pfingsten auch zu derselben quottember, vnnd wann ich den satz gelösen mag, ich oder mein erbenn vmb die viertzigckh pfundt pfening, die vor verschriben sein, so soll man mier sy zu lösen geben zwischen weinachten vnd der liechtmessen von dem vorgenanten gottshauss zu Pulgarn, das die red stätt vnnd vnuerkherdt bleibe von mier vnnd von meinen erbenn, alss vor verschriben ist, darüber gib ich der vorgenanndt Vllrich von Capelle disen brieff zu ainem wahrenn vhrkundt versigelt mit meinem annhangundten jnnsigll. Des jst getzeug herr Larentz von O^edt mit seinem anhangundten jnsigl zu den zeitten lanndtrichter jnn dem Machlant. Der brieff jst gebenn, da man zallt von vnsers herrn Christus gebuert dreytzechen hundert Jar, darnach jnn dem neun vnnd ziertzigistenn jahren ann sanndt Vrbanns tag.

Source Fulltext: OÖUB 7 (Wien 1876) S. 108f., Nr. 109a