Ich Leb von Visnis vergich fu^er mich vnd fu^er alle mein erben offenbar an disem brief vnd tun chunt allen den, die in ho^ernt oder sehent, daz ich (mich) mit meinem gena^edigen herren probst Jansen von sand Florian vnd mit dem gotshaus da selbs recht vnd redleich verricht han vmb die hofstat datz Visnis also, daz ich mich derselben hofstat vnd aller der recht, die ich vnd mein erben daran scholten gehabt haben, ledichleich geauzzent han also, daz ich noch mein erben fu^erbaz dhain ansprach darauf nimmermer schu^ellen gewinnen, vnd wolt ander yem die selb hofstat von dem egenanten gotshaus besten, den schu^ellen ich vnd mein erben dar zu fu^edern, mit weu wir mu^egen, vnd mit nichten doran ierren. Vnd daz (daz) also sta^et beleib, darv^eber gib ich disen brief versigilt mit dez erbern ritter herren Hainreichs von O^ed ze den zeiten purgraf ze Windekk vnd vogt der oftgenanten hofstat vnd mit Albrechtz dez Greusnikcher anhangunden jnsigeln. Der brief ist geben datz sand Florian nach Christes gepu^erd dreutzehen hundert iar vnd in dem ains vnd fu^emftzkistem iar an dem suntag vor dem Prehen tag.

Source Fulltext: OÖUB 7 (Wien 1876) S. 219, Nr. 216