Gotfridus dei gracia Patauiensis episcopus omnibus in perpetuum. Quia magna est coram deo fiducia elemosina (sic) facientibus eam, ipsa namque dei extat ancilla, mortis antidotum, iter salutis, venie porta, ipsa eciam peccata elemosinis redimuntur, estque impietas super fratre viscera claudere pietatis, et obinde beatus, qui intellegit super pauperem et egenum. Hec sane deuota attencione considerans recolende memoire Heinricus quondam prepositus monasterii sancti Floriani, ordinis sancti Augustini, canonicorum regularium nostre dyocesis de elemosinis et subuentionibus sibi et eius conuentui ac monasterio supradicto factis ex largicione donacione testamentis seu legatis Christi fidelium clericorum et laycorum celestes thesauros congregans quoddam hospitale infirmorum ante valuas cenobii sancti Floriani construxit, quod per manus nostras vtinam deo gratas consecrari eciam procurauit, ac per bona infra scripta et nominatim expressa sufficienter dotauit. Hec siquidem sunt bona, quibus dictum hospitale dotatum existit. Primo videlicet inter Anesum et Trunam, curia in Prato, curia in Anger, curia in Vierstweg, item in Gru^enprunn vna hueba, in Aw iuxta Stu^erberch vna hueba, in Rorbach vna hueba, in superiori Vreynleiten vna bueba et vna area, item in Erleich duo feoda, in Hausmaning tres solidi denariorum reddituum, item in Pukching sexaginta denarii reddituum, jtem in Traungawe curia in Lu^eg, curia in Puech, jn Hersing vnum feodum dictum Pra^entellechen. In Vrondorf octo bona, item molendinum in Hag, jbidem piscacio, jn Mitterperbing vnum feodum, in Reut sex solidi denariorum reddituum, jtem in Winnberch curia et feodum jn Wolkeinsdorf cum omnibus ad ea pertinentibus. Item decime infra scripte, videlicet decima ad sanctum, Petrum in Winnberch, item decima super curia in Ta^enn, jtem decima quondam Heinrici dicti Chantzler, jtem decima quondam Marchardi plebani ecclesie sancti Viti jtem decima super curia in Mairsdorf, inclusa decima quorundam ortorum in Hausmaning iuxta Lintzz, que decime collacionem prepositi respexerunt, in quarum recompensacionem duas piscaciones in Pukching per eundem Heinricum emptas vna cum vasis argenteis ponderis viginti nouem marcarum argenti prelature reliquit, jtem decima in Trawnerdorf et Posch, de qua rector hospitalis infirmario eiusdem monasterii singulis annisduodecim solidos denariorum tenebitur ministrare, jtem vinee infra scripte, videlicet vinea in To^eblich, dicta auf der Hohenwart, jtem in Chremsa vinea dicta Engweg, item in Mauttarn quatuor ternarii vini, item in Wachouia vinea dicta Hofinger, jtem vinea dicta Amerstal, jtem vinea dicta Reinprechtsrain, ibidem vinea dicta Hosnestel, de quibus omnibus et singulis bonis supra scriptis, inclusis bonis quibuscunque ad antiquum hospitale pertinentibus fecit et statuit ordinacionem sequentem; primo, quod rector hospitalis prefati, qui pro tempore fuerit, fratribus de conuentu porrigere teneatur in anniuersariis Leupoldi dicti Tu^echler de Aneso et vxoris sue tria talenta denariorum, item in anniuersariis Symonis quondam mutarii Lintzensis et vxoris sue tria talenta, item in anniuersario Duringi dicti Piber vnum talentum, jtem in anniuersario Wilhalmi de Wintzperch quondam ecclesie Patauiensis prepositi vnum talentum, jtem in anniuersario Friderici quondam plebani sancti Viti vnum talentum, jtem in anniuersario Haimpu^echerinn dimidium talentum, jtem in anniuersario ipsius Heinrici predictorum institutoris vnum talentum. Et eodem die rector hospitalis distribuat inter pauperes panes de vno modio siliginis et duas pernas, sex solidos denariorum valentes, jtem procurare debebit singulis diebus duas missas in dicto hospitali dicendas, vnam inter conuentuales, ita quod de persona transeat in personam secundum ordinem, et cuilibet dicenti illo die rector hospitalis vnam canulam de meliori vino, quod propinatur in villa, et vnam simulam vel quinque denarios ministrabit. Item secundam missam que dicenda est summo mane, ordinabit cum presbitero seculari, cui prouidere debet in expensis conpetentibus, cui eciam singulis diebus vnam canulam vini et tres denarios ministrabit, et de residuo triginta et duos pauperes inclusis octo pauperibus prius in hospitali existentibus pascere debet prebenda in pane et in cibo, sicut ab antiquo in hospitali eodem consweuit pauperibus ministrari, et omnibus predictis triginta et duobus pauperibus vnicuique singulis diebus mediam canulam vini et vnicuique singulis annis tres solidos denariorum pro reformacione vestitus tenebitur ministrare. Nos igitur, qui predictum hospitale personaliter duximus consecrandum, bonorum que in eodem hospilali continue exercentur, operum, quorum gloriosus est fructus, eo amplius participes fieri desiderabiliter cupientes, quo ipsum specialiori fauore prosequimur et affectu, fundacionem donacionem missarum ordinacionem infirmorum procuracionem ac omnia et singula supra scripta sicut prouide facta sunt, rata habemus et grata, confirmantes ea patrociuio huius scripti, sigilli nostri munimine roborati, adicientes, ut nullus prepositus dicti monasterii uel conuentus seu aliqua singularis persona vllis vnquam temporibus predictam ordinacionem in toto uel in parte infringere audeat uel ausu ei temerario contraire. Si quis autem hoc attemptare presumpserit, indignacionem dei omnipotentis incurrat, et nostram ac successorum nostrorum seu capituli nostri punicionem et seueram castigacionem merito habeat formidare. Datum Patauie quarto nonas augusti anno domini millesimo trecentesimo quinquagesimo primo.

Source Fulltext: OÖUB 7 (Wien 1876) S. 258ff., Nr. 254