Albertus dei gracia dux Austrie, Styrie et Karinthic, dominus Carniole, Marchie et Portus naonis, comes in Habspurch et in Kyburch, lantgrauius superioris Alsacie dominusque Phirretarum omnibus imperpetuum. Per elemosinam inopie egenorum consulitur et ad eterna gaudia peruenitur, quod attendens bone recordacionis Heinricus quondam prepositus domus sancti Floriani, ordinis sancti Augustini canonicorum regularium, Patauiensis diocesis de elemosinis et subuencionibus sibi et eius conuentui ac domui supradicte factis ex largicione donacione testamentis seu legatis Christi fidelium clericorum et laycorum celestes thesauros congregans, quoddam hospitale infirmorum ante valuas cenobii sancti Floriani construxit ac per bona infrascripta et nominatim expressa sufficienter dotauit. Hec siquidem sunt bona, quibus dictum hospitale dotatum existit, primo videlicet inter anesum et Trunam curia in prato, curia in Anger, curia in Vierstweg. Item in Gru^enprunn vna huba, jn Aw iuxta Stu^erberch vna hueba, jn Rorbach vna hueba, ju superiori Vreynleiten vna hueba et vna area, jtem in Erleich duo feoda, jn Hausmaning tres solidi denariorum reddituum, jn Pukhing sexaginta denarii reddituum, jtem in Trawngawe curia in Lueg, curia in Puech, jn Hersing vnum feodum, dictum Prantellechen, jn Vrondorf octo bona, jtem molendinum in Hag, jbidem piscacio, jn Mitterperbing vnum feodum, jn Reut sex solidi denariorum reddituum, jtem in Winnberch curia et feodum in Wolkeinsdorf cum omnibus ad ea pertinentibus, jtem decime infrascripte, videlicet decima ad sanctum Petrum in Winnberch, jtem decima super curia in Ta^enn, jtem decima Heinrici quondam dicti Chantzler, jtem decima quondam Marchardi plebani ecclesie sancti Viti, jtem decima super curia in Mairsdorf, inclusa decima quorundam ortorum in Hausmaning iuxta Lintz, que decime collacionem preprositi respexerunt, in quarum reconpensacionem duas piscaciones in Pukhing per eundem Heinricum emptas vna cum vasis argenteis ponderis viginti novem marcarum argenti prelature reliquit, jtem decima in Trawnerdorf et Posch, de qua rector hospitalis infirmario dicti monasterii singulis annis duodecim solidos denariorum tenebitur ministrare, jtem vinee infrascripte, videlicet vinea in To^eblich dicta auf der Hohenwart, jtem in Chremsa vinea dicta Engweg, jtem in Mauttarn guatuor ternarii vini, jtem in Wachouia vinea dicta Hofinger, jtem vinea dicta Amerstal, jtem vinea dicta Reinprechtstrain, jbidem vinea dicta Hosnestel. De quibus omnibus et singulis bonis supradictis inclusis bonis, quibuscumque ad antiquum hospitale pertinentibus fecit et statuit ordinacionem sequentem. Primo, quod rector hospitalis prefati, qui pro tempore fuerit, fratribus de conuentu porrigere teneatur in anniuersariis Leuppoldi dicti Tuechler de Aneso et vxoris sue tria talenta denariorum, jtem in anniuersariis Symonis quondam mutarii Lintzensis et vxoris sue tria talenta, jtem in anniuersario Duringi dicti Piber vnum talentum, jtem in anniuersario Wilhalmi de Wintzperch, quondam ecclesie Patauiensis prepositi vnum talentum, jtem in anniuersario Friderici quondam plebani sancti Viti vnum talentum, jtem in anniuersario Haimpuecherinn dimidium talentum, jtem in anniuersario ipsius Henrici predictorum institutoris vnum talentum. Et eodem die rector hospitalis distribuat inter pauperes panes de vno modio siliginis et duas bernas, sex solidos denariorum valentes, jtem procurare debebit singulis diebus duas missas in dicto hospitali dicendas, vnam inter conuentuales ita, quod de persona transeat in personam secundum ordinem et cuilibet dicenti illo die rector hospitalis vnam canulam de meliori vino, quod propinatur in villa et vnam simulam uel quinque denarios ministrabit; jtem secundam missam, que dicenda est summo mane, ordinabit cum presbitero seculari, cui prouidere debet in expensis competentibus, cui etiam singulis diebus vnam canulam vini et tres denarios ministrabit. Et de residuo tringinta et duos pauperes, inclusis octo pauperibus prius in hospitali existentibus pascere debet prebenda in pane et in cibo, sicut ab antiquo in hospitali eodem consueuit pauperibus ministrari. Nos igitur fundacionem donacionem missarum ordinacionem infirmorum procuracionem ac omnia et singula supra.||
scripta, sicut prouide facta sunt, rata habentes et grata confirmamus ea per presentes sigilli nostri robore conmunitas. Adicientes, ut nullus prepositus dicti monasterii uel conuentus seu aliqua singularis persona vllis vnquam temporibus predictam ordinacionem in toto uel in parte infringere audeat uel ausu ei temerario contraire. Siquis autem hoc attemptare presumpserit, indignacionem dei omnipotentis incurrat, et nostram ac heredum et successorum nostrorum punicionem et seueram castigacionem merito habeat formidare. Datum Wienne die assumpcionis gloriosissime virginis Marie, anno domini millesimo, trecentesimo quinquagesimo tercio.

Source Fulltext: OÖUB 7 (Wien 1876) S. 322ff., Nr. 317