Ich Jans Chuenratz sün dez Vczen pürger ze nevnbürkch klosterhalben, vnd ich Angnes sein Hausfraw vnd vnser erben, Wir vergehen vnd tu^en chund mit dem brief allen leuten, die in sehent oder horent lesen . die nw lebent, vnd hernach chümftig sind, daz wir vnuerschaidenlich mit günst vnd gütem willen, mit wolbedachtem mv^et vnd mit gesampter hant, ze der zeit, do wir ez wol getu^en mochten mit Rechter fürczicht verchauft haben vnsern Weingarten, dez drey rahen ist, vnd die santgrüb dar zw leit ze Chriczendorf in dem ampthof vnd haist der Laiderstörffer ze nachst der zwelifpoten - zeche weingarten, do man von den zwain rahen alle iar dient ze dem goczhaus ze Mavrbach fümf wienner phenning an sand michels tag ze gruntrecht, vnd nicht mer, vnd der perigmaister ist . Christan auf dem graben, vnd von der dritten rahen, die da haist daz wisel, vnd von der santgrub zwen wienner phenning an sant Michels tag ze gruntrecht Hern Josten witiben von Rosenwerkch vnd nicht mer vnd der perigmaister ist ians der vinczler, die obgenanten drey rahen weingarten vnd die santgrüb haben wir mit der vorbenanten perigmaister hant recht vnd redlich verchauft vnd geben mit alle dem nutz vnd rechten alz wi^er die in gruntrechtes gwer her pracht haben . vnd alz die mit alter her chomen sind, Vmb acht halbs vnd zwainczig pfunt wienner phenning, der wir gar vnd gancz gewert sein ze rechten tagen, dem erbern Ho^echwirdigen Herren Probst albrechten dacz sand florian, vnd seinem Conuent gemayn in dem selben Chlöster vnd allen iren Nach komen, fürbaz Ledichlich vnd vreylich ze haben . vnd allen iren frvmen da mit ze schaffen, mit verchauffen, mit verseczen vnd geben wem sew wellen an allen irrsal, alz ez in vnd irem goczhaus aller pest fuegund ist. Vnd dar vber ze ayner pessern sicherhayt, so secz vnd verpind ich mich egenanter ians vnd ich angnes sein Hausfrow vnd vnser erben vber den egenanten weingarten dem erbern Hochwi^erdigen Herren Probst albrechten dacz sand Florian vnd dem Conuent da selbs vnd i^eren nach chomen ze rechten gwern vnd scherm fu^er alle ansprach nach dez Landes recht in Osterich. Waer aber daz in mit recht daran icht abgieng, oder daz sew dhaynerlay chrieg oder ansprach daran gebvnnen, waz sew dez schaden nement, den schullen wir in ablegen vnd wider ehern an alle widerred, Vnd schullen sew daz alles haben auf vns, vnd vnuerschaydenlich auf allem vnserm güt, daz wir haben, wir sein lemtig oder töd. Vnd daz der chauf vnd scherm fürbaz also stet vnd vnczerbrochen peleib vnd wenn wi^er selb nicht aygen insigil haben, dar vber so geben wi^er in den brief versigilt mit dez erbern geistleichen Herren i^ensigil pru^eder Hainreichs ze den zeiten prior ze mavrbach in aller heiligen tal, dez ordens von Cartus im vnd seinem gotzhaus an schaden, den der egenant amptman christan auf dem graben dar vmb ze aynem zeug peten hat, wenn er selb nicht aygen insigil hat, Vnd mit Jansen insigil des vtnczler die zeit amptman Hern Josten witib von Rosenberck vnd mit der erbern zwayr mann insigil Thomans Hern Symons svn vnd Petreins dez stengleins die wir der sache zeug peten haben mit iren insigiln. Der brief ist Geben nach kristi pürd drewczehen Hvndert Jar darnach in dem Sechs vnd Sybenczigistem iar an sand Luczein tag.

Source Fulltext: OÖUB 9 (Wien 1906) S. 179-180