Jch Albrecht der Vidorffer. vnd mit mi^er all mein Erben . Wi^er veriehen offenbar mit dem prief —. Daz ich recht vnd redleichen cze chauffen han kewen Hannsen dem V/eczen cze Wesendorf vnd seiner Hawsvraw Dorothee vnd i^er paider Erben. Vnser Weingertl daz ich gehabt han cze Wesendorff vnd gelegen ist czenigst(!) dem weingarten der da haist der Vreythof, daz mein vreys aygen gewesen ist vnd auch dez selbigen weigarten(!) rechter Gruntherr gewesen pin vmb vierdhalb phvnt phenning wienner munczz . der sew mich ganz vnd gar gericht vnd gewert habent cze rechten Tagen an allen schaden. Vnd han Jn den durich meiner beschaiden ledichleichen auf kewen czu einem freyn pu^erkchrecht daz sew oder wer den obengenanten weyngarten Jn nucz vnd in gwer hat. allew Jar ierleichen da von dienen vnd raichen schullen an sand Michels tag dem Heyligen Engel sand Michel Jn daz Czech schrein ainen phenning wienner munczz vnd dhainerlay vadrung mer . den ich den hee nanten (sic) Weingarten gelegt han. Ez schol auch der eegenant Hans vnd sein Hausvraw Dorothea vnd i^er erben . daz obengant (sic) Weingertl Jnn haben nvtzzen vnd nyeßen mit allen den ern, rechten vnd nutzzen vnd da von cho^emen mag . als ich ez Jnn gehabt han vnd von alter her pracht han . Sew schullen auch mit dem oben geschriben weigarten(!) schaffen allen i^ern frum mit verseczen vnd mit verchauffen vnd kewen wem sew wellent. an all vnser mein vnd aller meiner erben i^errung. Jch seczz mich auch dez hee genanten Weingarten Jn cze scherm vnd cze gwer fu^er mich vnd fur all mein erben wo Jn dez du^erft geschiecht. Nemen sew dar vber schaden, mit recht, den i^er ains vngeswarn gesprechen mag pey seinen trewen, den schul wi^er in ablegen vnd wider chern an chlag vnd an furbot vnd an als recht. vnd schullen sew daz haben auf mi^er vnd auf aller der hab di ich han oder noch gewinn Jn dem lant cze ostreich ich sei lemptig oder tad(!). Daz Jn daz alles stett vnd vnczebrochen beleib . dar vber giw ich vorgenanter Albrecht der vidorffer den prief versigilt mit meinem anhangunden Jnsigil. Vnd ist dez czeug durich meiner vleizzigen pet willen Her Vlreich von Wo/achaw mit seinem anhangunden Jnsigil. Jm an schaden. Der prief ist kewen nach Christes gepurd drewczehen Hvndert Jar dar nach Jn dem Suben vnd Subtentzgisten (!) Jar dez nasten Eritags nach dem Prehentag.

Source Fulltext: OÖUB 9 (Wien 1906) S. 187-188