In nomine domini Amen. Anno natiuitatis eiusdem Millesimo Trecentesimo Septuagesimo septimo, Indiccione Quintadecima, die vicesima secunda Mensis Septembris, Pontificatus sanctissimi in christo patris et domini nostri domini Gregorij diuina prouidentia pape vndecimi anno septimo, hora quasi nona jn venerabilis viri domini Hainrici de Volkensdorf Canonici Ecclesie Patauiensis ac decani et plebani Laureacensis Patauiensis diocesis, Meique Notarij publici subscripti et testium infrascriptorum presencia personaliter constitutus discretus vir Georius dictus Schreyer Rector parrochialis Ecclesie in Waltchirchen in Winnberig Patauiensis diocesis publice fatebatur et sollempniter recognouit se in sacrario Monasterij sancti Floriani personaliter constitutus (sic) in manibus suis ibidem habuisse, vidisse et perlegisse quasdam literas autenticas, sanas et integras de et super annua pensione perpetua quatuordecim librarum denariorum wiennensium per quemcunque Rectorem dicte parrochialis ecclesie in Waldchirchen pro tempore venerabili et religiosis viris preposito et Conuentui Monasterij sancti floriani ordinis sancti Augustini Canonicorum Regularium patauiensis diocesis legitime debitam et singulis annis perpetue soluendam diuisis tarnen in singulis quatuor anni temporibus tres libras cum dimidia, in cuius quidem pensionis recipiendi et habendi possessione tamquam ea legittime auctoritatibus debitis instituta hactenus dudum fuerunt, recognouit, eciam sollempniter se ratione dicte sue ecclesie ad eiusdem pensionis solucionem temporibus predictis perpetuo faciendj, se suisse et esse debite et legittime astrictum et obligatum, predictus igitur Georius nolens nomen ingrati assumere nec predictos dominos prepositum et Conuentum patronos dicte sue ecclesie in eorum pensione quomodolibet perturbare, non ad hoc inductus vi, metu alicuius persone nec errore iuris vel facti, sed solum iusta conscientia motus de sua propria et spontanea voluntate sine dolo et fraude supradictam pensionem per eum, quamdiu dictam parrochialem ecclesiam haberet aut possideret vel fructus ex ea perciperet, soluendum in sigulis quatuor anni temporibus, vt est prescriptum, irreuocabiliter promisit et se ad hoc astrinxit et obligauit omni via, modo, iure et forma, quibus, efficacius debuit et potuit. Si vero dictam pensionem in quolibet terminorum predictorum, vt est premissum, dictis dominis preposito et Conuentui aut eorum procuratori aut nuncio soluta non fuerit (sic), ut est premissum, promisit idem dominus Georius dicto preposito stipulanti nomine suo et dicti sui Conuentus in antea facere, reficere, soluere et integraliter resarcire omnia et singula dampna, expensas et interesse, quas et que prefatus dominus prepositus et Conuentus aut procuratores uel nuncij eorum ob defectum folucionis huiusmodi aut eius occasione quomodolibet facerent aut incurrerent, pro quibus omnibus et singulis obseruandum et firmiter adimplendum et obtinendum prefatus Georius Rector obligauit dictis dominis preposito et Conuentui omnia bona sua ac dicte Ecclesie sue mobilia et inmobilia tam habita quam habenda, que omnia bona idem Georius Rector se nomine dictorum dominorum prepositi et Conuentus se (sic) constituit iure precario pro predictis dominis preposito et Conuentu possidere vsque ad integram solucionem dicte pensionis annis singulis et terminis prescriptis persoluende ac obseruacionem plenariam omnium premissorum, prout superius est expressum, Quodque idem domini prepositus et Conuentus aut procuratores uel nuncij eorum vel eorum aliquis possint et debeant ex nunc in antea bona sic obligata, in quibuscunque et vbicunque consistant vel in futurum consistere poterunt, capere, vendere, alienare, distrahere et pignori obligare auctoritate propria sine pena cuiuscunque iudicis ecclesiastici uel secularis aut quouis preiudicio dictorum prepositi et Conuentus et suorum et apud se insolutum retinere pro iusto et conpetenti precio et se seruare omnino indempnes renuncians expresse simul et diuisim in omnibus hijs excepcione doli mali accioni in factum condicioni indebit(is) (?) sine causa et ex iniusta causa priuilegio fori conpetentis omni tempore feriato et quadrumestri omni appellacionis et pronotacionis remedio omni consuetudini et statuto priuilegio clericatus noue et nouarum constitutionum iuris reuocandi domum (sic) in integrum et cuiuslibet alterius bene- ficio reslitucionis donacioni libelli et presentis instrumenti copie et specialiter beneficio illius legis • C • de reuocandis donacionibus promissionibus, obligacionibus et iurisdicenti promissionem et obligacionem errore factis non valere nec non iurisdicenti confessionem extra iudicium factam non valere omni iudicis officij imploracioni omnique alij accioni iuris et facti Canonici et Ciuilis, per que contra presens jnstrvmentum uel factum in eo qualitercunque descriptum obici uel opponi possit uel quomodolibet veniri et specialiter iurisdicenti generalem renunciacionem non valere dictusque dominus georius iurauit ad sancta dei ewangelia dictam pensionem dicto domino preposito et eius Conuentui aut nuncio uel procuratori eorumdem supradictis terminis, postquam fuerit fsuper hoc requisitus, annis singulis, ut premittitur, dare et soluere, nullas dilaciones querere nec contrariam excepcionem opponere et contra omnia et singula premissa uel alique premissorum in aliquo nullo modo venire. Super quibus omnibus et singulis dominus prepositus ac Georius Rector supradicti instanter supplicauerunt domino Hainrico de volkchensdorf supradicto, quatenus sigillum suum huic insirumento vnacum sigillo dicti domini Georij apponeret in maiorem cautelam, et corroboracionem premissorum, Requirentes eciam me notarium infrascriptum, quatenus ipsis fuper premissis conficerem vnum vel plura publica instrumenta. Acta sunt hec apud sanctum Florianum in Cenaculo Reuerendi in christo patris domini Alberti prepositi Monasterij sancti Floriani supradicti et coram eodem, Anno, Indiccione, Mense, die, Pontificatu, hora et loco predictis presentibus honorabilibus et discretis viris domino Johanne presbytero pro tunc socio in Waltchirchen, Friderico dicto Holtzzer, Nycolao dicto Pomchiricher, Johanne de abtsdorf et Hartliebo dicto pa^eussel laicis Patauiensis diocesis testibus ad premissa vocatis et rogatis.||
Et ego Chünradus quondam Berchtoldi de Nu^ernberg clericus Bambergensis diocesis, apostolica et jmperiali auctoritate publicus notarius omnibus et singulis premissis ordine suo, sicut premittitur, factis vnacum dictis testibus presens sui eaque sic fieri vidi, audiui ac alijs prepeditus negocijs per alium fideliter scribi feci et ad mandatum, eciam ad requisicionem domini prepositi et Georij Schreyer prenominatorum in hanc publicam formam redegi Sigilloque meo solito vna cum appensione domini Heinrici de Volkchensdorf et domini Georij Schreyer sigillorum signaui — Rogatus in fidem et testimonium omnium premissorum.

Source Fulltext: OÖUB 9 (Wien 1906) S. 313-316