Iohannes de Scha^erffenberch dei gracia prepositus Ecclesie patauiensis Commissarius ad infrascriptum per Reuerendum in christo patrem et dominum Albertum Episcopum Patauiensem specialiter deputatus. Notum facimus tenore presencium vniuersis, quod nobis pro tribunali sedentibus in nostri notarii publici infrascripti et testium infrascriptorum presencia, Personaliter constituti Honorabiles et Religiosi virj, Dominus Nicolaus dictus Pusser infirmarius, ac dominus Hermannus dictus Tawer Magister hospitalis et canonici Monasterij sancti ffloriani canonicorum regularium ordinis sancti Augustini Patauiensis dyocesis, procuratores et sindici prepositi et conuentus predicti Monasterij, prout de eorum sufficienti mandato coram nobis producto, constetit¹⁾ petentes discretum virum dominum Waltherum Haller perpetuum vicarium ecclesie parrochialis in Ried, Patauiensis dyocesis etiam ibidem presentem et ad eorum instantiam citatum eis legitime vnitam et incorporatam compelli iuris remediis oportunis, ad solutionem pensionis viginti librarum denariorum wiennensium de fructibus dicte Parrochialis ecclesie, per ipsum et quemlibet pro tempore vicarium ibidem eis debitam in singulis annis quatuor temporibus quinque libras reale faciendam²⁾ et exhibendam²⁾, dictusque Waltherus vicarius sponte et voluntarie non vi, metu uel aliqua coaccione vel sinistra informacione nec per errorem iuris vel facti, sed ex certa sua sciencia et absque dolo et fraude prout dicebat, fuit iudicialiter coram nobis confessus, quod ipse et quilibet dicte parrochialis ecclesie in Ried, vicarius pro tempore existens vigore incorporacionis dicto Monasterio debite et legittime facte ad realem solucionem dicte Pensionis annue teneretur, dominis preposito et conuentui supradictis iuxta formam literarum incorporacionis huiusmodi, quas desuper habent in terminis prescriptis, dictamque pensionem viginti librarum in statutis quatuor temporibus partim, vt premittitur, ex nunc in antea soluere firmiter promisit dominis preposito et conuentui supradictis aut eorum nuncio vel procuratori, omni dilacione postposita et semota. Quod si in aliquo predictorum terminorum dictis dominis preposito et conuentuj, aut eorum nuncio uel procuratori predicta pensio, quinque librarum, in quolibet termino quatuor temporum, ut premittitur, debita soluta non fuerit, promisit idem Waltherus vicarius, ex tunc in antea facere, reficere, soluere et integre resarcire, omnia et singula expensas, dampna et interesse, que ipsi aut eorum procuratores aut nuncij uel eorum aliquis, ob defectum solucionis huiusmodi aut eius occasione quomodolibet facere uel incidere contigerit et super hoc eorum aut alterius eorum stare iuramento. absque alia probatione, cause, cognicione et ~~ Judicis taxacione, pro quibus omnibus et singulis obseruandis et firmiter obtinendis et effectualiter adimplendis prefatus Waltherus. vicarius. obligauit dictis Dominis. preposito et conuentui, dictis canonicorum procuratoribus eorum nomine legitime stipulantibus, omnia et singula bona sua ac dicte vicarie sue mobilia et inmobilia, tam habita, quam habenda, que omnia bona idem vicarius nomine suo et dicte vicarie sue, se constituit iure precario, quod dicto preposito et conuentui et eorum nomine possidere vsque ad integram solucionem et dationem dicte pecunie annis singulis terminis prescriptis persoluende ac dampnorum expensas et interesse predictorum ac plenam obseruacionem omnium premissorum, prout superius est expressum. Quodque predicti domini prepositus et conuentus, procuratores aut nuncij eorum uel eorum aliquis possint et debeant ex nunc in antea bona huiusmodi sic obligata, in quibus cumque consistant uel consistere potuerint, quomodolibet in futurum capere, vendere, alienare, distrahere, et pingnori obligare auttoritate sua propria et presentis Jnstrumenti sine pena cuiuscumque³⁾ tarn ecclesiastici uel secularis impedimento uel quovis preiudicio eorum et apud se retinere pro iusto et competenti precio in solutum. et se seruare indempnes. Renuncians expresse in omnibus supra et infrascriptis excepcioni doli mali in factum, accioni, condicioni indebite sine causa et ex iniusta causa, priuilegio fori omni tempore feriato et Quadrimestri, omni apellacionis remedio, omni consuetudini et statuto, omni priuilegio clericali, noue et nouarum constitucionum Episcopale⁴⁾ diuij (!) Adriani cedendarum et diuidendarum accionum et cessioni bonorum suorum et ut debitorum debita portio bonorum seu fructuum pro eorum sustentacione seruetur et residuum in creditoribus in solutum assignetur, iuri reuocandi demum⁵⁾, beneficio restitucionis in integrum aut alterius cuiuscumque contradiccioni, literarum apostolarum ac conuencioni iudicum et locorum si eas impetrare aliquando contingerit, libelli donacione et copie presentis Jnstrumenti, Et iuris dicenti obligacionem errore factam non valere, omnique alii accioni, excepcioni et defensioni iuris et facti canonici et ciulis per quod uel que contra presens Jnstrumentum aut aliqua in eo contenta posset quomodolibet obici, oponi, uel ueniri et specialiter iuris dicenti generalem renunciacionem non valere. Jdem eciam Waltherus vicarius super omnibus et singulis in presenti Jnstrumento contentis submisit se, ac dictam Vicariam suam viribus Jurisdiccioni, cohercioni et compulsioni Curie tarnen apostolice eius camerarij et ipsius auditoris⁶⁾ uel locumtenentis⁶⁾. ac Reuerendi patris et domini nostri domini Alberti episcopi Patauiensis predicti atque nostris, volens et consentiens expresse, quod dictus dominus camerarius, Auditor Camerae, locum tenens, dominus episcopus supradicti et nos ex nunc prout ex tunc et ex tunc prout ex nunc. ad omnem Requisicionem⁷⁾ dictorum dominorum prepositi et conuentus aut eorum procuratoris aut nuncij tanquam pro re iudicata et concessa iudicialiter eciam eo vocato vel non vocato, possunt et debeant ob defectum solucionis predicte in eum sentencias excommunicacionis ferre et promulgare tociens quociens petiuerint ac alias penas et sentencias, que eis placebunt et voluerunt contra ipsos petere et facere promulgare, tamdiu quousque de omnibus et singulis premissis eisdem dominis preposito et conuentui fuerit plene et integre satisfactum, quodque ad probationem huiusmodi rei iudicatae et confessatae iudicialiter ut premittitur sola probatio et productio presentis Jnstrumenti sufficiat omnibus aliis probacionibus pretermissis. Predictus eciam Waltherus dedit fidem manualem michi notario publico infrascripto, vice et nomine dictorum dominorum prepositi et conuentus ac omnium aliorumquorum interest uel intererit, stipulanti et recipienti dictam pensionem terminis prescriptis fideliter et effectualiter soluere ac omnia et singula premissa facere et obseruare, nec nunquam aliam contrariam excepcionem oponere aut contra ea nunquam facere uel uenire aliqua occasione uel ingenio uel causa. Nos igitur auetoritate dicti domini nostri episcopi patauiensis et ex ipsius speciali mandato de super viue vocis oraculo nobis facto predictam obligacionem ac omnia et singula in presenti Jnstrumento contenta aprobamus et ratificamus et ea ex certa sciencia rata habentes et grata ac in premissorum omnium fidem et testimonium dedimus predictis dominis preposito et Conuentui presentes literas nostras nostri ac dicti domini Waltheri Sigillis impendentibus sigillatas, quas etiam ad maiorem cautelam fecimo (sic)⁸⁾ per Wernhardum notarium publicam et scribum nostrum infrascriptum redigi in formam presentis publici Jnstrumenti. Acta sunt hec Patauie in domo habitacionis nostre Anno domini Millesimo Trecentesimo Septuagesimo octauo Jndiccione prima, vicesima octaua die mensis Aprilis, hora vesperorum vel quasi, Pontificatus sanetissimi in christo patris et domini nostri domini Vrbani diuina prouidencia pape. VIti. anno primo. Presentibus honorabilibus et discretis viris Domino Vlrico dicto freitl Plebano ad||
sanctum Egidium Patauie, Vlrico et Chunrado presbiteris patauiensis dyocesis testibus ad premissa vocatis specialiter et rogatis. Et ego Wernhardus dictus Swarz, clericus patauiensis publicus Jmperiali auctoritate Notarius omnibus et singulis premissis, dum sic, vt premittitur, Anno, Mense, die, hora, Jndiccione, Pontificatu, Judicio⁹⁾ et loco supradictis, fierent et agerentur, vna cum prenominatis testibus presens interfui, eaque||
sic fieri, vidi, et audiui Presens publicum Jnstrumentum manu mea scriptum signoque meo consueto signatum vna cum apensione Sigillorum venerabilis patris et domini mei domini Johannis prepositi ac ipsius domini Waltheri Vicarii in Ried predictorum, in hanc publicam formam de mandato dicti domini mei prepositi redegi per dominos procuratorem ac dominum Waltherum supradictos super hoc rogatus et requisitus in fidem et testimonium||
omnium premissorum. Et nos Albertus dei et apostolice sedis gracia Patauiensis Episcopus supradictus, aprobacionem et ratincacionem premissorum per venerabilem in christo Johannem de Scharffenberch prepositum nostre Patauiensis ecclesie memoratum, auctoritate nostra, et de nostris specialibus mandato et commissione viue vocis oraculo sibi factis, habitas et factas, nec non omnia et singula, in presenti contenta instrumento, rata et grata habentes, ipsa tamquam prouide et racionabiliter facta et habita, ex certa sciencia laudamus approbamus et confirmamus auctoritate et officio ordinarie potestatis. Et in huius rei euidens testimonium et maiorem certitudinem, ipsi presenti instrumento sigillum nostrum duximus apendendum. Actum et datum ibidem, Patauie in curia nostra episcopali. Sub anno domini, Jndiccione, die, mense, et Pontificatu, quibus supra.

Source Fulltext: OÖUB 9 (Wien 1906) S. 429-434