In nomine Domini Amen. Anno natiuitatis eiusdem. 1378. mense Maij. die 30. hora terciarum uel quasi, indiccione prima. Pontificatu sanctissimi in christo patris et Domini Domini Urbani diuina prouidencia Pape. VIti. anno primo in mei notarii publici et testium presentia subscriptorum personaliter constitutus venerabilis Pater Dominus Albertus Prepositus Monasterii sancti ffloriani Canonicorum regularium ordinis sancti Augustini Patauiensis diocesis presente maiori parte Capituli fratrum seu canonicorum ipsius monasterii habens in manibus suis quoddam Jnstrumentum publicum subscripti tenoris scriptum, confectum et signatum manu discreti viri Wernhardi dicti Schwarz publici Jmperiali auctoritate notarij, ac maioris, Reuerendi in christo patris et Domini Alberti Episcopi Patauiensis ac venerabilis viri Domini Johannis de Scherffenberg Prepositi Ecclesie Patauiensis nec non discreti viri domini Waltheri dicti Haller vicarij perpetui parrochialis Ecclesie in Ried Patauiensis diocesis infrascriptis¹⁾ sigillis pendentibus sigillatum, non cancellatum, non abolitum, non rasum, sed omni prorsus vitio et suspicione carens, requirens me notarium infrascriptum, quod cum propter guerras non nunquam in partibus illis vigentes, ac viarum discrimina foret periculosum huiusmodi instrumentum originale deferre extradictum monasterium, quatenus sibi idem instrumentum de verbo ad verbum transumerem, et exemplarem, ac huiusmodi transcriptum siue exemplum in formam publicam et autenticam redigerem. Hoc autem exemplum sive transumptum ex dicto Jnstrumento originali cuius tenor de verbo ad verbum sequitur, est talis:||
||
Folgt:||
1378. Passau. 28. April. Johes dei Scherfenberg zc., inklusive Notariats-Klausel und bischöfliche Bestätigung.||
||
Acta sunt haec apud monasterium sancti floriani in domo habitacionis dicti domini Alberti ||
Prepositi, anno, mense, die, hora, indiccione, pontificatu, quibus supra, presentibus honorabilibus et discretis viris Domino Thoma de Sancto floriano, Diacono Friderico Holzer, Nicolao Paumchiricher et Hainrico Pugsser (!) laico Patauiensis diocesis testibus ad premissa requisitis. ||
Et Ego Liebhardus dictus Wittig Patauiensis publicus Jmperiali auctoritate notarius presens exemplum siue transcriptum a dicto originali instrumento fideliter manu propria copiando et exemplando sumpsi, transscripsi et exemplaui, nil addens, nil minuens, quod sensum mutet, vel variet intellectum, ipsumque transumptum ad dictum originale instrumentum unacum venerabili viro domino Stephano custodi et canonico dicti Monasterii s. floriani diligenter auscultaui, et quia utrumque concordare inueni, hic me subscripsi, et in hanc publicam formam redegi, signoque meo consueto signaui in testimonium et memoriam premissorum, per dictum dominum Albertum prepositum requisitus.

Source Fulltext: OÖUB 9 (Wien 1906) S. 448-450