Gotfridus dei gracia Pataviensis episcopus omnibus Christi fidelibus in perpetuum. Pastoralis officii, cui voluntate divina hactenus immeriti presidemus, debitum nos efflagitat, ut diligenti sollicitudine sollicitaque diligencia promovere et providere annuamus ea,||
per que Christi fidelium excitatur devocio, cultus divinus augetur et saluti consulitur animarum, ex hijs enim et presentis vite comparatur meritum et f'uturae retribucionis premium exspectatur. Sane cum nobilis vir Eberhardus de Walsse capitaneus super anesum pro sue ac progenitorum ac heredum suorum animarum salute monasterium tredecim personarum sanctimonialium ordinis cisterciensis in loco Slirbach nostre dioecesis in honorem gloriose virginis dei genitricis ipsemet fundare ac cum datis et propriis redditibus dotare decrevit petendo humiliter, ut huic fundacioni dotacioni et disposicioni nostrum consensum adhibere dignarernur, nos ob reverenciam et laudem ipsius intemerate virginis ejusdeni Eberhardi precibus inclinati consensum adhibentes ecclesiam fundacionem dotacionem et monasterij ordinacionem salva in bonis et juribus suis debita recompensacione facienda ecclesie parrochiali, intra cujus lirnites dictum monasterium situatur, grato affectu et exacta sciencia admittimus harum testimonio litterarum sigilli nostri appensione munitarum. Datum Patavie in vigilia sancti Mathie apostoli anno domini millesimo trecentesimo quinquagesimo quinto.

Source Fulltext: OÖUB 7 (Wien 1876) S. 405, Nr. 392