"Ich, Chalhoch(1), Vlreich(2) vnd Havg(3), wir prveeder von Valkenstain tvon chvnt an disem prief, daz wir ain recht haben gehabt auf aim guet dacz Herhag(4), daz wir dez vogt vnd schermer sein gwezen, vnd habent vnz gepeten di herren, der probst vnd der convent vom Slegel(5), daz wir vnz verczigen haben der selben voitai, vnd darvmb haben si vnz geben voitai auf aim andern gvet daz ir ist dacz Hartmansdorf(6) auf dem obern gvet(7), dez czwelf schilling geltz ist, vnd daran haben wir ir pet erhert, vnd haben vnz verczigen der egnanten voitai auf dem vorgnanten gvet dacz Herhag, vnd wellen vnzer voitai haben auf dem vorgeschriben gvet dacz Hartmansdorf, vnd daz in daz stæt pleib von vnz vnd von allen vnzern gerben, darvmb geben wir den egnanten herren, dem probst vnd dem convent vom Slegel disen prief, veringsigelten mit vnzeren jngsigeln. Der prief ist geben nach Christz pvrt drevnczen hvndert iar, darnach in dem sechs vnd fvenzigstem iar, am svnwennd tag."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 157 (S 124), S. 162-163