"Nos, Johannes de Rosembergh(1), vtique hoc habere volentes, ut vere legaliter et iuste decime(2) ad parochialem ecclesiam in Fridburgh(3) spectantes, prout de iure debent dari, tradi ac presentari, totaliter debeant vobis omnibus oppidanis seu singulis in opido nostro Fridburgh manentibus, dilectis censualibus nostris strictissime precipiendo mandamus, ut dum blada(4) seu frumenta per vos aut vestros seminata, de quibus antedicte ecclesie decimam dari debent, messueritis seu metere vos contigerit, per ipsum plebanum aut eo absente ipsius vices gerentem ad assignandam ipsam decimam prius monere debeatis, sed eadem quoque de campis minime mouendo, tamdiu donec antenominate ecclesie plebanus aut ipsius vices gerens decimas ad suam ecclesiam et ipsum spectantem plene totaliter signabit, vulgariter intellectum Wytfue(5), qui eciam plebanus aut ipsius vices gerens ad assignandum ipsas decimas, dum monitus fuerit, esse debeat parata in protractum. Et quod si aliquis vestrum in audaciam seu presumptuositatem deductus contra prefatum nostrum mandatum se opponendo facere seu cooperari presumpserit, videlicet ipsa seminata sine signatione decime prius domum de campis deduxerit, extunc de singulis abductis seu ad orrea vestra deductis, non prehabita signacione, decime de vestris orreis suas decimas ecclesiam suam et ipsam concernentes, imo non tantum simplas decimas, sed propter inobedienciam seu excessum ac non obseruanciam mandati nostri duplicatas decimas antedicte ecclesie plebano in presencia duorum aut vnius consulum virtute presentium potestate damus omnimodam licite postulandi. Jn cuius rei vigorosam euidenciam sigillum nostrum de certa nostra sciencia et consensu huic littere est appressum. Datum et actum die sancti Battholomej, anno Domini millesimo trecentesimo octuagesimo octauo, in Fridburgh."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 209 (S 148), S. 210-211