"Ich, Reinprecht von Wallsse(1), obrister marschalich jn Oesterreich, obrister drugsecz jn Steyr vnd haubtman ob der Enns bekenn das jch nach gepet vnd anbringen der schêphen vnd ganczen gemain, auch durich ains gemainn nuecz meins markchts czu Haslach(2), ain soliche ordnung gesêczt vnd gemacht hab, secz mach vnd orden auch wissennlich jn kraft des briefs [.... 25](3) das gemainklich all mein lewt jn meim markcht cze Haslach, arm vnd reich, alls salcz(4) klains vnd [grosses ... 25] verchauffen sullen vnd muegen. Vnd das sol von ainem czu dem andern vnder jn vmb geen, doch also, das wer [... 16] gancz purkchrecht hab, czweliff schilling kueeffel, vnd wer ain halbs purkchrecht hab, ain phunt kueeffel, vnd wer ain viertel hab, [ain] halb phunt kueeffel absêcz, vnd nicht mer, als das von allter ist herkomen. Wer aber, das [... 50] chumbt, nicht vermacht oder nicht wolt ablegen, vnd liess das also fur[geen... 50] vmbgang czue gepurdt. Vnd welher solichs ablegen furgeen [lasst... 50] wan das an jn chumbt, dann ain wirtt nicht gestatten cze uerch[auffen .. 40 ..m]arkcht(a) hiet, der sol dannoch allain jn dem haws, dar jnn er die czeit [... 50]. Er sol auch chainn jn andre seiner heuser ainem dar[in er] jnlewt hat, mit soli [... 25] legen. Auch sol chainer, der cze heriberig ist vnd nicht burg[recht] hat, oder ob er ain ander [... 25]recht hat, solichen gwerben mit dem salcz nicht treiben, [... 25] das mit vrlaub vnd [... 25] gemain. Jtem, so sol auch chainer jn ainer wochen auf das maist [... 25] mer dann czwir purg[recht... 25] seiner kauffmanschaft nicht mer gemainer hab, dann ainn vnd derselb sol auch gute [... 25] auch nyemandt der fuerer, die von Behem(5) choment, czu ainer vartt mer dann czwai [... 40] getrankch, es werdt jnnerhalb oder ausserhalb haws verchaufft, gleich die allt czeiten allso sein, als das von alltem herkomen. Welicher aber soliche mein obgemelte ordnung nicht hielt vnd jn ainem oder manigen artikl veberfuer, das wissenlich wurd, der ist meiner pêssrung geuallen, vnd sol den nach gnaden darumb straffen. Auch sol die obgenantt mein ordnung, aller und yeds artikl, weren vnd besteen vnczt auf mein oder meiner erben wider rueffen. Des czu vrkund gib jch den brief, besigelt mit meim anhangunden jnsigel. Geben czu Lynncz, an freitag nach aller heiligen tag, nach Kristi gepurd virzehen hundert vnd darnach jn dem virczigisten jare."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 297, S. 320-321