"Wir Vlrich(1) [...] güetter, die sein erb weren [...] ohngeuerdte(2). Vnd seindt das die obbemelten stuckh vnd zehent: Von erst ain guett zw Neundling(3), ain guett zw Hiennerpach(4), ain guett zw Öedt(5), ain guet zw Aurpach(6), jtem der Haslhoff(7), jtem die Füchselmüll(8), jtem ain guett am Khölblein(9), ain guet zw Cranzagl(10), zway güetter zw Elmansperg(11), zwai güetter zum Wolff(12), all in Sarleinspeckher pfarr. Jtem ain guett zw Pitrachsperg(13) vnd ain hofstatt daselbs, jtem ain guett zw Höhenperg(14), zway güetter zw Hungernperg(15), zway güetter zw Goldnern(16) vnd zwo hoffsteth daselbs, vnd ein guett zw Wegern(17), all in Rorbeckher pfarr. Jtem ein guett zw Stierberg(18) in Peilstainer pfarr. Jtem ein guett zw Gezendorff(19) in Altenfeldner pfarr. Jtem zw Keppling(20) auf zwaien güettern vnd auf ainer hoffstath, vberall gannzen zehent, jtem zw Gumpenperg(21) auf ainem guet gannzen zehent, zw Stuppach(22) auf zwaien güettern zwai thaill zehent, zw Ramprechtsreith(23) auf ainem guett zwai thaill zehent, zw Hauzenperg(24) auf ainem guett vnd auf ainer hofstath daselbst gannzen zehent. Zw Goldnern(25) auf dem siz, auf dem pauhoff, auf den güettern vnd hofstetten daselbs, auf dem gannzen dorff überall ganzen zehent. Zw Getzendorff(26) auf dem hoff vnd auf ainem guett vnd auf zwaien hofstetten, überall gannzen zehent; all in Rorbacher pfarr. Zw Hezendorff(27) auf drein güettern gannzen zehent, zw Pogendorff(28) auf drein güetern ganzen zehent, alle in Särleinspeckher pfarr; zw Hungernperg(29) auf zwaien güettern zway thaill zehent, zw Stierberg(30) auf ainem guet gannzen zehent; all in Altenfeldner pfarr vnd in Veldner landtgericht. Jtem ain hueb zw Obstperg, ain hoff zum Stain, ein hoff zw Zaglaw, ain lehen zw der Pürchen. Jtem der zehent zw Gerstperg, ain zehent auf dem hoff zw Öedt, ain zehent auf dem hoff zw Paungartten, ain zehent auf dem guett zw Nasperg, ain zehent auf dem guett zw Erlfeldt, ain zehent auf dem guet zw Pürchen, ain zehent zw obern vnd nidern Dräßnickh, jtem den zehent zw Liechtenperg, den zehent zw Eidezenperg auf einer hueb, den zehent auf der hindtern Grueb auf der hueb, ain zehent im Grüeblein, jtem ain zehent zw Günderseth, überall gannzen zehent; jtem ain zehent aufm guett zw Ast, da gehet in aignem feldt ein orth hindan, den zehent aufm guett zw Khriechpaumbperg in ainem feldt auf ainem orth, den zehent zw Aichperg auf einem hoff, die zwai thaill der zehent aufm guett zum Änderlein am Weg, da gehet in ainem feldt ain orth hindan, den zehent zw Khriechpaumb auf einem feldt ob des wegs, den zehent zw Hamat auf zwaien güettern, auf zwayen lüssen die zwai thaill, all in Grämestetter(31) pfarr vnd in Wassenberger lanndtgericht. Jtem ein guett zw Gredenpach(32), ain guett zw Eizendorff(33), jtem zwai thaill zehent auf zwaien güettern zw Innannhart(34) vnd auf ainer hofstath daselbs, jtem auf zwaien hoffstetten, aine zw dem Wasen(35) vnd aine zu dem Paumschaber(36), alles in Pfarrkhircher pfarr vnd Veldner lanndtgericht gelegen. Mit vhrkhundt des brieffs, geben Passaw, am freitag nach dem heilligen pfingstag, nach Christi geburtt vierzehen hundert vnd jm fünffvndfünffzigisten jahr."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 691, S. 753-754