"Ich Leonhart Keldermair(1) die zeit gesessen auf dem Aygen, jch Brewd sein hausfraw, ich Jorg Draegsel(2) die czeit burger doselbs, vnd jch Elspet sein hausfraw, bekennen aintrechtiklich fur vns vnd all vnser erben, vnd tun kundt mit dem offen brief allermaeniklich, das wir mit wolbedachtem muet nach rat, gunst vnd willen vnser nagsten vnd pesten frewndt, czu den czeiten, do wir es rechtlich wolgetun machten vnd recht heten, rechtt vnd redlich verkauft vnd ze kauffen geben haben vnserem liebem swageren vnd vettern Oswalden(3) die zeit richter zu Peilstain, vnd Sigslen(4) weilend zu Vlrechsperg gesessen saeligen sun, seiner hausfrawn vnd allen iren erben, das gancz purkrecht(5) ze haws vnd halbe ze ueld czwischen Hansen Groshawpen(6) vnd, Hansen Prugel(7) pekchen, ym markcht auf dem Aygen vnd herschaft vnser frawn Slag gelegen, vmb ain sumb gelts, der wir von jn darumb gar vnd gancz ausgericht vnd beczalt sein worden zu rechter weil vnd zeit an allen schaden. Darauf wir jn das obgenant purkchrecht jn obuerschribmer mass vbergegeben vnd eingeantwurt haben von herren hanndt vnd aller der bestaett, so sew daruber bedurffen mit allen eren, rechten vnd nuczen, so von alter darczue gehort, aus vnser obgenanter, aller vnser erben vnd mit erben gwalt, nucz vnd gwer, jn des obgenanten Oswalden, seiner hausfrawn vnd aller irer erben gwalt, nucz vnd gwer, jn solher beschaiden, das wir obgenantew Leonhart Keldermayr, jch Jorg Draegsel sein sweher, vnd vnser benant hausfrawn, darczue all vnser erben vnd miterben, noch ander ymant von vnsern wegen zu dem obgenanten Oswalden, seiner hausfrawn, noch allen iren erben von des benanten purkchrechtz wegen, als oben begriffen ist, ycz noch hin fuer ewiklich darczue noch darauf kain recht, ansprach, zuespruch, eribschaft, vodrung noch gerechtikait nymer haben schullen noch gewingen wellen, jn kainerlai weis, trewlich vnd angeuêr. Es hat auch der benant Oswald, sein hausfraw oder ir erben die losung auf dem anderen halben purkrecht ze veld nach abgang Hansen Amaysperger(8) richter darjn ym dan wir vnser erben noch kain ander erib irrung noch hindernuess tuen sol angeuêr. Sy mugen auch damit allen iren nucz vnd frumen wol bedrachten mit verseczen, verkauffen, verschaffen, machen vnd geben, wem oder wo sew hin wellend, an vnser obgenanter, aller vnser erben vnd miterben darczue an maeniklichs jrrung vnd hindernuess. Wir sein auch des obgenanten purkrechts jn obuerschrimer mass jr recht gwerner vnd furstandt fuer all rechtlich ansprach, als solhs kaufs gwerschaft der herschaft vnser frawn Slag vnd landes ob der Enns recht ist. Gieng jn aber daran jcht ab, des sy oder ir erben zu schaden kaemen, wie die genant oder gehaissen weren, dieselben schaeden all schullen vnd wellen wir jn gancz ablegen, ausrichten, beczallen vnd widerkeren, vnd sew schullen das haben vnd bekomen zu vns obgenanten allen vnsern erben zu vnsern trewn dar zue auf aller vnser hab vnd guet, wo wir das jndert haben, gewingen oder hinder vnser lassen, des muegen sew sich so vil darumb wol vnderwinden, jnnhaben, nueczen vnd nyssen als lang, vnczt sew irer schaeden gancz ausgericht vnd beczalt sein worden nach irem benuegen, vnd was wir obgenantew all vnser erben vnd mit erben oder ander ymant von vnsern wegen dawider furbas aufhuebem, mit dem obgenanten Oswalden, seiner hausfrawn oder iren erben von des obgenanten purkrechtz wegen, als oben begriffen ist, kriegten oder rechten wolten, welherlai das wêr, des haben wir an aller stat gegen jn gancz vnrecht vnd verloren, vnd sew gegen vns recht behabt vnd gewungen. Mit vrkundt des briefs versigelt vnd bestaett mit des jn Got erwirdigen vnd geistlichen herren, herrn Andree(9), brobst zu vnser frawn Slag, aygen anhangunden jnsigel, den wir obgenantew mit vleiss darumb gepeten haben, doch ym, seinem goczhawss vnd nachkomen an schaden, dienst vnd vodrung vnuergriffenlich. Zu ||
merer geczeugnuss vnd pesser sicherhait haben wir auch mit vleiss gepeten die erberen weysen die purger auf dem Aygen, das sew irs markchs jnsigel auch an den brief gehangen haben, doch jn, allen iren erben, jnsigel vnd markt an schaden. Darunder wir vns obgenantew fuer vns vnd all vnser erben vnd miterben verpindten mit vnsern trewn jn aydes weis, alles war vnd staet ze halten, so oben an dem brief geschriben stet, der geben ist nach Cristi geburdt virczehen hundert darnach ym zwaiundsechczigisten jare, an mitichen vor dem heiligen sunibenttag."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 391 (S 273), S. 425-426