"Wir [Fridreich(1), von Gotes](2) gnaden Römischer kaiser, zu allenn tzeiten mêrer des reichs, zu Hungern, Dalmacien, Croacien [kunig], hertzog zu Österreich, zu Steir etc. Embieten vnserm getreun Syman Oberhaimer(3), vnserm phleger zu Valkenstain, vnser gnad vnd alles guot. Vnns haben die ersamen geistlichen vnser lieben andechtigen ~ der brobst vnd conuent zum Slegel(4) anbracht, wie jm die pharrhoff der pharrkirchen, so jrm gottshaws ingeleibt seien, so yetzuozeiten jrr korhern oder vicari, den sy die regierung der pharrkirchen beuelhen, mit tod(5) abgeen, rawmen vnd alles, so sy darin finden, daraus nemen, des sy sich beswêrt bedunkhen. Wann aber dieselben pharrkirchen mit vogtey vns zugehörn: Emphelhen wir dir ernstlich vnd wellen, ob yemannds, wer der weer, den bemelten probst vnd conuent die pharrhöf der bemelten jrer ingeleibten pharrkirchen rawmen wolt, daz du des nit gestattest vnd des selbs auch nit tuest, sunder jn des von vnsern wegen vorseist, vntz an vns. Daran tuest du vnser ernstliche maynung. Geben zu der Newenstat(6), an mittichen nach vnserer lieben frawntag, natiuitatis anno Domini etc. LXXVI, vnsers kaisertumbs im fünfundzwaintzigisten jar."||
||
Rechts unten: "Commissio domini imperatoris propria."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 467 (S 332), S. 524