"Ich Paul Jacob herr von Starhemberg und zue Schönpüchel(1), der fürstlichen durchlaucht, herrn Matthiae(2), erczherczogen zu Österreich cammerer vnd ainer ersamen landtschafft in Österreich vnnder der Enns verorndter, als der eltist vnd lehentrager des namens vnd stammen der herren von Starhemberg: Bekhenn, das für mich khommen ist Andre Göschel(3), burger zu Rorbach, mitt anzeigung, wie das er hieuor von weilendt dem wolgebornen herrn, herrn Geörg Achaczien(4), herrn von Starhemberg, meinem freundlichen lieben vettern sehliger gedächtnüs, als zechmaister vnd lehentrager des gottshaus sanct Jacob zu Rorbach(5), den halben zehennt auf dem hoff zu Kärnndten(6) jn Rorbackher pfarr vnnd Veldner landtgericht gelegen, zue rechtlehen gehabt, vnd vermug des mir fürgebrachten lehenbrieffs empfangen hette, vnd bath mich gehorsames vleiß, nachdem sich von wolermeltes meines lieben vettern ableiben wegen, solcher zehennt wiederumb vnd von neuem zu lehen zu nehmen vnd zu empfahen gebierte, jme denselben zuuerleihen geruechen. Welches [......](7). Geschehen den dreiczehenden monatstag octobris, nach Christi vnsers lieben herrn vnnd heilandts geburt jm funfczehen hundert vnd siben vnd neunczigisten jahr."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 678 (S 486), S. 742-743