Otto dei gratia ecclesie Patauiensis episcopus vniuersis Christi fidelibus, ad quos presens peruenerit scriptum, salutem in domino sempiternam. Ea, que aguntur in seculis, scripture testimonio transmittuntur in posteros, vt nulli ualeant dubium generare, et ne fraus et dolus patrocinium cuiquam possint inpertiri. Vniuersis igitur ac singulis cupimus fieri manifestum, cum inter uiros religiosos dominum Philippum abbatem scilicet et conuentum ecclesie sancte Marie Scotorum in Wienna ex una parte et virum nobilem dominum Heinricum de Sevelde ex altera pro exemptione ecclesie in Chomatsdorf coram nobis questio uerteretur, quam predicti abbas et conuentus in ecclesie sue Ecchendorf terminis sitam asserebant, nos pro bono pacis duximus ex consensu partium interponendum tamquam in nos conpromissum arbitrium promulgantes, quod cessante deinceps questione et lite huiusmodi ecclesia antedicta in Chomatsdorf mera et libera gaudeat exemptione, sicut inferius specificabimus, et in nullo respectum aliquem ad ecclesiam in Ecchendorf vlterius habere teneatur et rector ipsius ecclesie in Chomatstorf omnibus plebesanis villarum videlicet Chomatstorf, Syrendorf et Dv^errenleyze sepulturam et ecclesiasticorum sacramentorum amministrandi plenam habeat facultatem cum omni iure parrochiali saluis decimis maioribus et minoribus ecclesie matrici, exceptis etiam in villa Dvrrenleyze xvicim beneficiis cum quibusdam ibidem curticulis, que ecclesie matrici in Echendorf omni iure attinere dinoscuntur, et in nullo debent habere respectum ad ecclesiam in Chomatstorf dicta beneficia et curticule in preiudicium plebani matricem ecclesiam possidentis. Pro exemptione utique huiusmodi antedictus dominus H. de Sevelde decem solidorum redditus taliter distinctos, in villa Ladendorf de duabus curticulis dimidium talentum denar., in Niwenburch ex parte claustri de quatuor curticulis iii sol. et ii den., ibidem de quadam media vinea iuxta sanctum Martinum LX den., in Winna uero de vinea, quam habet Zyegelmaister, quinque quartalia vini siue XXX den. assignauit ecclesie beate Marie uirginis Scotorum in Winna de predictis locis annuatim in festo Mychahelis persoluendos et iure proprietatis perpetuo possidendos. In cuius rei testimonium et ne alicui super hoc deinceps ambiguitas aliqua valeat generari, nostro sigillo et domini Ottachari illustrissimi regis Boemie dvcis Avstrie et Styrie et marchionis Moravie et prefati abbatis et conuentus Scotorum in Winna et ipsius viri nobilis domini H. de Sevelde ac aliorum spiritualium ac nobilium uirorum, vt expedire uisum fuerit, sigillis presentem fecimus paginam cum annotatis testibus communiri. Testes dominus Meingotus tum prepositus Patauiensis, dominus Hadmarus de Werde, dominus Chadoldus frater eiusdem, dominus Albero dapifer de Veldsperch, dominus Chadoldus de Wehinge, dominus Albero de Pavmgarten, frater Syboto et frater Hylprandus ordinis fratrurn predicatorum, frater Hartperus et frater Albertus de Sevelde ordinis fratrum minorum, Nycholavs sacerdos, Chunradus plebanus in Sevelde, Dytmarus Merl de Leyz, Albertus de Nehsendorf, Syglochus de Wdinstorf, Heinricus de Rvchendorf, Pylgrimus Zvllo de La, Vlricus de Grv^enpach, Heinricus de Gowats, Wernhardus de Sweinwart milites. Clientes vero Rvdgerus iudex in Sevelde, Vlricus de Rvchendorf, Heinricus de Molt, Otto de Harroz, Regenwardus de Harraz, Fridricus de Harraz, Albero de Harraz, Vlricus de Chomatsdorf, Otto et Albero de Leyze. Hij de Zwingendorf Rymbertus, Heinricus frater eiusdem, Chvnradus Boemus, Hermannus. Ciues Wiennenses Otto in foro, Chvno et Chunradus fratres eiusdem, Otto iudex et Heimo frater suus, Syfridus officialis Scotorum et alii plures. Acta igitur sunt hec Wienne aput Scotos anno ab incarnatione domini M^o. CC^o. LXI^o., XVIl^o. kalendas Januarii.

Source Fulltext: HAUSWIRTH, Schotten (=FRA II/18, 1859) S. 45-47