Nouerint singuli hanc paginam conspecturi, quod ego Levtwinus, capellanus capelle sancte Katherine iuxta cimiterium sancti Stephani Wienne, de bono consensu domine mee Margarete, patrone eiusdem capelle, que cognominatur Grifensteinerinna, et filii sui domini Heinrici cessi in censu medie libre, qui annis singulis predicte capelle persolui debebat racione fundi de area, que sita est in strata Wienne, que Weihenpurg dicitur, continua Friderico, qui Lu^egel cognominatur, venerabili domino Wilhelmo abbati monasterii sancte Marie Scotorum Wienne totique conuentui sub hac forma, quod infra spacium vnius anni predictum censum in alio loco assignet prefate capelle, in quo etiam fundi proprietas habeatur. Constituimus etiam nos, patrona et ego, defensores sepedicti abbatis et conuentus ab omni inpeticione contra quoslibet invasores. Testes sunt hii dominus Gotfridus rector chori sancti Stephani, dominus Chunradus capellanus sepe nominati domini abbatis, dominus Rinboto celeubus, magister Vlricus medicus et scolasticus Wiennensis, Fridricus officialis, magister Rinboto et alii quam plurimi fide digni. In cuius rei testimonium presentem paginam sigillorum prenominati domini Heinrici Grifensteinarii et mei caracteribus volui communiri. Datum anno domini M^o. CC^o. LXXXVII^o. in festo beati Barnabe apostoli.

Source Fulltext: HAUSWIRTH, Schotten (=FRA II/18, 1859) S. 75