Ego Griffo ciuis Wiennensis tenore presencium profiteor et ad vniuersorum cupio noticiam peruenire, quod bono prehabito consilio et matura deliberacione ad honorem dei omnipotentis et gloriose virginis genitricis sue et ob spem cultus diuini augmentacionis, impetrato eciam ad hoc fauore et voluntate dyocesani reuerendi in Christo patris et domini nostri Wernhardi venerabilis ecclesie Pataviensis episcopi vna cum voluntate incliti domini nostri Rudolfi ducis Austrie, nomine mei et heredum meorum capellam sancti Vdalrici in Zaismansprunn extra muros ciuitatis Wiennensis, cuius ius patronatus ad me et heredes meos pertinere dinoscebatur, permutaui et permutacionis tytulo dedi cum omnibus suis attinenciis honorabilibus viris domino Wilhelmo abbati et toti conuentui ecclesie sancte Marie Scotorum in Wienna pro cappella sancte Marie in littore intra muros ciuitatis Wiennensis et suis attinenciis simpliciter, vt iuribus nostris in prenominatis capellis prius habitis hinc inde permutatim adhuc gaudere similiter debeamus. Nam sicut capella sancte Marie suprascripta ad prefatos dominos, abbatem et conuentum, pleno iure spectabat, ita ex nunc cappella sancti Vdalrici predicta eodem iure ad ipsos et suam ecclesiam pertinebit, et ego capellam sancte Marie in Littore prefatam vna cum heredibus meis tali iure possidebo, quod michi et heredibus meis in capella sancti Vdalrici primitus competebat. Preterea pro recompensacione census, qui ad infirmariam predictorum dominorum annis singulis soluebatur de cappella sancte Marie sepe dicta, donaui et dedi quinque libras reddituum cum vno agro quondam Bertoldi de Laub, sito iuxta eandem capellam sancti Vdalrici contra riuum, qui wulgariter dicitur Meoric, de quo soluuntur annuatim in die sancti Michahelis viginti denarii ecclesie Neunburgensi, eisdem dominis et ecclesie sue pro infirmaria fratrum suorum perpetuo possidendas, qui quidem redditus, vnde et quibus temporibus persolui debeant, plene decernitur subnotatum. Primo de duodecim areis siue domibus, sitis ante portam Scotorum, singulis annis soluit Eberhardus faber siue sui successores de quadam domo viginti denarios in festo Michahelis, item Hainricus Mader viginti den. Mich., item Rudlibus viginti den. Mich., item Fridericus calcifex viginti den. Mich., item Kienbergarius viginti den. Mich. et duodecim den. pro pullis, quorum quatuor soluuntur in natiuitate domini, quatuor in festo pasche, quatuor in festo pentecostes, item Hainricus Wagner viginti den. in festo Mich. et quindecim den. pro pullis, in quolibet festo predictorum trium quinque den., item Hermannus ligator triginta den. Mich. et decem et octo pro pullis, in quolibet festo sex trium predictorum sicut prius, item Otto dictus Spitaler viginti quatuor den. in festo Mich., item . . faber dictus Nevmaister tringinta den., decem in natiuitate domini et decem in pent. et decem Mich., item Fridericus faber decem den. Mich., item Ludwicus calcifex tringinta den. Mich., item Waisinna et Marchardus gener eius mediam libram, quadraginta den. Mich., in natiuitate domini quadraginta, Georii quadraginta. Preterea Adloldus in Zaismansprunn de curia sua mediam libram minus decem den., quam exsolui a domina Pruzlinna. Deinde in strata pincernarum soluurit moniales de domo Grans viginti quatuor den. in festo Georii. Item ego Griffo prenotatus soluo de domo mea quadraginta den. bis in anno. Mich. et Georii. Item Rusticus in arena sex den. Mich, de horreo. Item de domo dicta Snurarii sita iuxta fontem dictum Goltsmitt duas libras, quinque solidos et decem den Mich., in natiuitate domini tantum, Georii tantum. Preterea in loco, qui dicitur Hierspeunt, de curia Leupoldi in alta strata soluit primo Chvnradus filius villici de area septuaginta quinque den., Mich, quadraginta quinque, Georii triginta, item Leublo filius Merbotonis triginta den. et octauum medium, viginti et tercium medium Mich., quindecim Georii, item Stromaier triginta et octauum medium in eisdem temporibus. Item in Hierspeunt circa Lantstrazz domina Smidinna de duabus areis quadraginta den., decem Mich., in natiuitate domini decem, Georii decem, in pent. decem, item Sibico dictus Heftler quadraginta den. in eisdem temporibus, item de bonis dicti dyaboli Chunradus dictus Guem de media artfa viginti quinque denarios, Mich. nouem, in pascha. octo, in pent. octo, item Praitenhawerinna viginti quinque den. in eisdem temporibus. Item Leupoldus dictus puer de vna integra area quinquaginta den., Mich. decem et octo, in pascha sedecim, in pent. sedecim. Summa predictorum reddituum quinque libre, sex solidi et decem et nouem den. Sed quia prenominatis dominis domino abbati et conuentui de eisdem redditibus quinque librarum suprascriptis in sex solidis et decem et nouem den. annis singulis seruiebam, me et meos heredes a predicto seruicio exsoluens, vltra illarum quinque librarum redditus superaddidi sex solidorum et decem et nouem den. redditus, prout superius est expressum. In quorum premissorum omnium testimonium et euidenciam firmiorem presentes dedi litteras sigilli mei munimine roboratas. Datum Wienne anno domini M^o. CCC^o. secundo, tercio decimo kalendas Septembris.

Source Fulltext: HAUSWIRTH, Schotten (=FRA II/18, 1859) S. 105-107