Nos Wernhardus dei gratia ecclesie Patauiemis episcopus presentibus confitemur, quod viso et diligenter examinato contractu de permutacione iurisdictionum capellarum domine nostre sancte Marie in Litore infra muros Wiennenses et sancti Vdalrici circa fontem, qui vocatur Zaizmansprunn, extra muros Wiennenses sitarum inter venerabilem dominum Wilhalmum abbatem et conuentum monasterii sancte Marie Scotorum in Wienna, ad quos predicta capella domine nostre in Litore pertinebat, ex vna et prudentem virum dominum Griffonem militem Wiennensem, ad quem supradicta capella sancti Vdalrici pertinebat, ex parte altera legitime celebrato nos ad peticionem parcium ipsum contractum auctoritate ordinaria duximus confirmandum. Sane quia ante permutacionem huiusmodi institucio in capella domine nostre in Litore ad predictos, abbatem et conuentum ecclesie Scotorum, pertinebat, nos de gracia speciali auctoritate ordinaria ius instituendi capellarium ad capellam sancti Vdalrici, virtute permutacionis translatam in eosdem, in abbatem et conuentum Scotorum predictos, transferimus in hiis scriptis, decernentes de beneplacito parcium predictarum, vt predictus dominus Griffo suique heredes sev quicumque successores eorundem ad capellam sancte Marie in Litore, cum vacauerit, nobis iure ordinario capellarium debeant presentare, per nos vel successorem nostrum in eadem legitime instituendum, saluis iuribus capellariorum predictarum capellarum, quibus ex prernissis nullum volumus preiudicium generari. In cuius rei testirnonium presentes dedimus litteras nostro sigillo munitas. Datum Wienne anno domini millesimo tricentesimo secundo, V^o. kalendas Septembris.

Source Fulltext: HAUSWIRTH, Schotten (=FRA II/18, 1859) S. 107-108