Nos Mauritius, dei gratia abbas sancte Marie Scotorum in Wienna, tenore presentium profitemur et constare volumus vniuersis, quod de redditus nostris summariis in Greitschensteten, quosquidem reddims nobilis ac famosa matrona domina Jutta, relicta quondam nobilis viri domini Ulrici de Pilichdorff, pro sua numerata pecunia comparauit et pro anime sue suorumque progenitorum remedio nobis et ecclesie nostre prefate uice ac nomine veri testamenti dedit, contulit et legauit, singulis annis ad iussionem et ordinationem memorate domine nomine elemosine religiosis in Christro fratribus, priori et conuentui ordinis predicatorum domus Wiennensis, tres libras denariorum Wiennensium vsualis monete, videlicet in festo beati Georgii unam, in festo sancti Michaelis vnam et in natiuitate domini similiter unam libram denariorum Wiennensium, dare seu porrigere tenebimur sub hac forma, quod antedicti fratres anniuersarium dicte domine Jeutte ac sui mariti prefati et suorum progenitorum singulis annis in octaua sancti Georgii cum vigilia et missis solemniter peragere, nec non in ipsorum memoriam super altare sanctorum apostolorum in ecclesia eorundem religiosorum unam missam quottidie celebrare nobis prescientibus ullatenus pretermittant. Quodsi ausu temerario seu negligentiis quibuscunque obmittere presumpserint, elemosinam prefatam tamdiu reseruare debebimus, quousque memoratos fratres preordinata finaliter perficere cognoscamus. Adjectum est etiam, quod, si in dictis bonis in Greitschenstetten per commune terre disturbium, per desolationem ignium seu quibuscunque casibus, quibus hoc consueuit accidere, tanta sterilitas euenerit, quod ab eisdem consuetum et debitum non posset seruicium deseruiri, huiusmodi defectum dicti fratres predicatorum, dummodo plenius et euidencius cognoscentur, sustinere debebunt, dictum anniuersarium more prefato super spem future restaurationis dictorum bonorum nihilominus exsequentes, presentibus in testimonium premissorum sibi traditis sigillorum nostrorum munimine roboratis. Datum Wienne in monasterio nostro prefato anno domini millesimo tricentesimo tricesimo quarto, in crastino Mathei apostoli et ewangeliste.

Source Fulltext: HAUSWIRTH, Schotten (=FRA II/18, 1859) S. 200-201