In nomine sancte et indiuidue trinitatis amen. Rudolfus quartus, dei gratia palatinus archidux Austrie, Styrie et Karinthie, princeps Sweuie et Alsacie, dominus Carniole, Marchie ac Portusnaonis nec non sacri romani imperii supremus magister venatorum, omnibus in perpetuum. Tociens ducalis serenitatis magnificencia extollitur alcius et ipsius status a domino, a quo datur omnis potestas, felicius gubernatur, quociens loca diuino cultui dedicata benigna consideracione reguntur et ad ipsorum gracias, donaciones et libertates seruandas et facultates augendas graciosa protectio principis inuenitur. Cum igitur omnis gloria siue potencia principatus in subditorum consistat solidata fortunis, expediens arbitramur et condecens, vt simus subiectis et in justicia faciles et in gracia liberales. Nouerit igitur presens etas et futuri temporis successura posteritas, quod constitutus in presencia nostra honorabilis et religiosus vir Clemens abbas monasterii sancte Marie Scotorum in Wienna pro se et suo conuentu nobis deuote et humiliter supplicauit, quatenus quoddam priuilegium a diue recordacionis domino et patruo nostro domino Friderico Romanorum rege, tunc in ducatu constituto, monasterio suo traditum et postea a domino et genitore nostro carissimo duce Alberto clare memorie innouatum ipsis et iam dicto suo monasterio eciam innouare, approbare et confirmare de speciali gracia dignaremur. Cuius quidem priuilegii cum confirmacione presentibus inserendum duximus in hiis verbis. (Folgt die p. 194, Nr. CLXXI abgedruckte Urkunde Herzogs Albrecht II. dd. 1331, 15. Juni.) Nos igitur prefatus dux Rudolfus ob deuocionem sinceram, qua dicti religiosi abbas et conuentus monasterii Scotorum in Wienna circa diuini cultus obsequia iugiter et frequenter vigilant et eciam ob integre fidei puritatem, qua erga nos et nostros coruscare dicuntur, ipsorum, vt suis deo precibus commendemur, supplicacionibus tamquam racionabalibus inclinati predictum eorum monasterium vna cum hominibus omnibus et personis nec non possessionibus, quas pro nunc racionabiliter possident et in posterum iustis modis poterunt adipisci, sub nostra proteccione suscipimus speciali, ad imitacionem antecessorum nostrorum memoratum priuilegium, prout est superius annotatum, et vniuersos et singulos suos articulos, omnes insuper donaciones, indulgencias, gracias et libertates et iura quelibet prefati ordinis fratribus a iam dictis domino Friderico, Romanonum rege, et genitore nostro dilecto sev ab aliis predecessoribus nostris rite ac prouide tradita et concessa, acsi predicta omnia de verbo ad verbum presentibus inseri contigisset, expresse de benignitate solita innouantes et approbantes et presentis scripti patrocinio confirmantes. Nulli ergo omnino hominum liceat hanc paginam nostre proteccionis, innouacionis et confirmacionis infringere vel eidem in aliquo ausu temerario contraire. Quod qui forsitan attemptare presumpserit, se grauem nostre indignacionis offensam et ad hoc centum libras auri puri nouerit incursurum, quarum quinquaginta libre nostre camere et quinquaginta libre hiis, qui aggrauati existunt, assignari debent et cedere pro emenda. In cuius rei testimonium et perpetui roboris firmamentum presentes fieri et sigilli nostri appensione iussimus communiri. Huius rei testes sunt reuerendi in Christo patres et domini amici nostri carissimi dominus Ortolfus archyepiscopus Salczburgensis apostolicae sedis legatus, Paulus episcopus Frisingemis, Gotfridus episcopus Patauiensis, Johannes confirmatus Gurcensis nostre curie cancellarius, Otto episcopus Chymensis, Vlricus episcopus Seccouiensis et Petrus episcopus Lauentinus. Item illustris princeps Meinhardus marchio Brandenburgensis, superioris Babarie dux nec non comes Tyrolensis, sororius noster carissimus. Item nobiles viri auunculi nostri dilecti Albertus palatinus comes Karinthie, Mainhardus et Hainricus, comites de Goricia, necnon comes Otto de Ortenburg. Item fideles nostri dilecti Vlricus et Hermannus fratres Comites de Cylia, comes Johannes de Phannberg, Eberhardus de Walsse de Lyncza capitaneus noster super Anasum, Eberhardus de Walsse capitaneus iiüster Styrie, Fridericus de Aufenstein capitaneus noster Karinthie, Leutoldus de Stadekk capitaneus noster Carniole, Stephanus de Meissow marschalcus, Albertus de Puchhaim dapifer, Haidenricus de Meissow pincerna, Petrus de Eberstorf camerarius, Fridericus de Chreuspach magister venatorurn, Austrie. Item Fridericus de Walse de Grecz pincerna, Rudolfus Otto de Liechtenstain camerarius, Friedericus de Pettouia marschalcus, Fridericus de Stubenberg dapifer, Styrie. Hertnidus Chreiger dapifer, Hermannus de Ostrawicz pincerna, Karinthie. Item Hermannus de Landenberg noster prouincialis marschalcus Austrie, Hainricus de Hakkenberg noster magister curie, Johannes de Prunn noster magister camere, Pilgrimus Strewno nostre curie marschalcus, Hainricus de Prunn pincerna, Albertus Ottenstainer magister coquine, Albertus pincerna magister cellariorum, Wilhalmus pincerna de Liebenberg dispensator panis nostre curie et plures alii fide digni. Datum Wienne feria quarta proxima ante Margarete, anno domini millesimo trecentesimo sexagesimo, etatis nostre anno vicesimo primo, regiminis vero nostri secundo. Nos vero Ruodolfus dux pre dictus hanc litteram hac subsripcione manus proprie roboramus. Et nos Johannes, dei gratia Gurcensis episcopus, prefati domini nostri ducis Austrie primus cancellarius recognouimus omnia prenotata.

Source Fulltext: HAUSWIRTH, Schotten (=FRA II/18, 1859) S. 309-311