In nomine domini amen. Per hoc presens publicum instrumentum cunctis pateat euidenter, quod coram nobis magistro Bertoldo de Wehing preposito totoque capitulo ecclesie collegiate omnium sanctorum, alias sancti Stephani in Wienna, Patauiensis diocesis, venerabilis in Christo pater et dominus, dominus Donatus, abbas moriasterij beate virginis Marie Scotorum in dicta Wienna ordinis sancti Benedicti dicte Patauiensis diocesis, personaliter constitutus, tenens in suis manibus quasdam literas in pergameno conscriptas reverendi in Christo patris, domini Wernhardi, episcopi Patauiensis felicis recordationis, ejusque sigillo autentico in prestola pergamenia pendente sigillatas, sanas et integras, non viciatas, non cancellatas nec in aliqua sui parte corruptas, sed omni prorsus vicio et suspicione carentes, et eas per nos de verbo ad verbum cum descriptione sigilli transscribere petiuit, maxime si dicte litere in longinquis partibus, ad quas ipsas dirigere proponit, perderentur, quod ipsi transsumpto in judicio et extra possit et valeat plena fides adhiberi. Tenor vero dictarum literarum, de quibus supra fit mencio, per omnia sequitur in hec verba. (Folgt die p. 107, Nr. 89 abgedruckte Urkunde des Bischofs Bernard von Passau dd. 28. August 1302.) Et nos igitur Bertoldus prepositus et capitulum predictum visis et diligenter inspectis prefatis literis mandavimus, ipsas per dilectos et fideles Albertum de Vischausen et Petrum Stephani de Czlebings, notarios publicos subscriptos, fideliter transscribi et cum ipsorum nominum et signorum appositione nostrorumque sigillorum appensione munitas publicarj et collationem coram nobis fieri diligentem. Forma vero et descriptio dicti sigilli erat talis, sigillum oblongum de cera alba, in medio cuius ymago infulata ceterisque pontificalibus induta, in sedili ex utraque parte capud lupi habenti sedens pedibus aliqualiter curuatis, sub ciborium ad modum scabelli attingens, dextrarn manum tamquam dans benedictionem erigens, in sinistra vero tenens turnaturam. Litere autem circumferentiales erant hec, S. Wernhardi dei gracia ecclesie Patauiensis episcopi. - Acta sunt hec in dicta Wienna in domo habitacionis nostri prefati Bertoldi prepositi anno domini millesimo tricentesimo septuagesimo septimo die XX. mensis Nouembris, indictione XV., pontificatus sanctissimi in Christo patris et domini nostri, domini Gregorii diuina prouidentia pape XI. anno septimo, presentibus honorabilibus et discretis viris dominis, Conrado, vicario ad sanctum Valentinum prope Anasum, Christoforo dicto Schuczenmeyster, altarista altaris sancti Andree in ecclesia sancti Michaelis Patauie, et Vlrico, predicatore ad Scotos, presbyteris sepedicte Patauiensis diocesis, testibus ad premissa vocatis specialiter et rogatis.||
||
Signum||
Notarii.||
||
(Albertus.)||
||
||
||
||
||
||
||
||
||
||
||
||
||
||
||
||
Signum||
Notarii.||
||
(Petrus Stephani.)||
||
Et ego Albertus Nicolai de Vischausen, clericus Sambiensis diocesis, publicus imperiali auctoritate notarius, suprascriptarum literarum visioni, exhibicioni, lectioni et mandato ac omnibus aliis et singulis supradictis, dum, sicut premittitur, agerentur et fierent, unacum prenominatis testibus ac Petro Stephani de Czlewings notario publico supra et infrascripto presens interfui et, prout in dictis literis originalibus inveni, ita hic de mandato et precepto prefatorum dominorum Bertoldi prepositi et capituli aliis occupatus negocijs per alium scribi feci, et quod facta diligenti collacione de presenti transsumpto ad predictas originales literas inueni inuicem concordare, et in premissorum testimonium me subscripsi signo et nomine meis solitis vnacum appensione sigillorum predictorum dominorum prepositi et capituli consignaui, ad hoc vocatus et requisitus. Et ego Petrus Stephani de Czlewings, clericus Olomucensis dyocesis, publicus imperiali auctoritate notarius, omnibus et singulis supradictis vnacum Alberto de Vischausen publico notario et testibus supradictis presens interfui, ideo de mandato et precepto prefatorum dominorum Bertoldi prepositi et capituli signo et nomine meis solitis et consuetis vnacum subscriptione prefati Alberti notarij et appensione sigillorum predictorum dominorum prepositi et capituli consignaui, ad hoc specialiter vocatus et resquisitus in testimonium omnium premissorum.

Source Fulltext: HAUSWIRTH, Schotten (=FRA II/18, 1859) S. 377-378