Wir Albrecht von gotes gnaden Herczog ze Oesterreich, ze Steyr, ze Kernden vnd ze Krain, graue ze Tyrol etc. Bechennen, daz für vns kam vnser getrewr Wernhart Weydner vnd gab vns auf ein halbs lehen, gelegen ze Obern Weyden, das sein Lehen von vns was, als er vns fu^erlegt, vnd pat vns, daz wir das verleihen geru^echten vnserm getrewn Pernharten dem Weydner von Zaukendorff seim Vettern, wan er im das zu kaufien geben hiet. Das haben wir getan vnd haben demselben Pernharten vnd seinen erben das egenant halb Lehen verlihen vnd leihen auch, was wir im zu Recht daran leihen sullen oder mu^egen, von vns vnd vnsern erben in Lehens Rechten inne ze haben vnd ze niessen, als Lehens vnd Lands Recht ist, vngeuerleich. Mit vrchund ditz briefs geben ze Wienn an dem heiligen Auffarttag, nach Kristi gepürd Drewczehenhundert Iar darnach in dem ains vnd newnczigisten Jare.

Source Fulltext: HAUSWIRTH, Schotten (=FRA II/18, 1859) S. 428