Wir Albrecht von gotes gnaden Hertzog ze Österreich, ze Steyr, ze Kernden vnd ze Krain, Graue ze Tyrol etc. Bekennen vnd tun kunt offenlich mit dem brief, als vnser lieber getrewr Helyas der Floytt die nachgeschriben vestt vnd Güter, vnser lehenschafft, gemacht vnd gefüget hat vnserm lieben getrewn Hanns dem Floytten seim Bruoder, daz wir zu demselben Gemeˆchte vnser willen vnd gunst gegeben haben vnd geben auch wissentlich mit dem brief, also daz dieselben veste vnd güter mitsampt irr zugehorung nach des egenanten Helyas tod, ob er ane leibeserben abgeet, geuallen sullent an den vorgenanten Hannsen seim Bru^oder vnd sein erben nach der Gemechtbrief sag, die darumb geben sind, von vns vnd vnsern Erben in lehens Rechten ynne ze haben vnd ze niessen vnd vns auch damit getrew vnd gewerttig ze sein, als gemechtes, lehens vnd Landes Recht ist, ane geuerd, doch vns vnd vnsern Erben an der lehenschafft vnuergriffenlich. Vnd sind das die Güter, des ersten die Vestt ze Obern Streittdorff, item ain viertayl zehents ze veld vnd ze dorff, item ain Hof bey derselben vestt gelegen, item ain Hof, genant des Swarczenhof, item zwo pewt wisen, der yeglicher zway gantze Lehen||
sind, alles ze Obern Streyttdorff gelegen, vnd drey fleischtisch ze Nydern Velebrunn gelegen, die da frey sind, das alles von vnserm fürstentum ze Österreich Lehen ist, item am viertail zehents ze veld vnd ze dorff, item ain Hof, des drew gantze lehen sind, item ain wysen, des auch drew gantze Lehen sind, item zwelf pfenning gelts auf einer gestifften hofstatt vnd zwen pfenning gelts auf ainer halben gestifften hofstatt, alles ze Furling gelegen, item ain halbes veldlehen ze Obern Streyttdorff gelegen, item zehen Jewchart akkers vnd ein halbe lehen wyse, die daryn gehörnt, item ein halbes lehen, item zehenthalb iewchartakkers vnd ein gantze Lehen wys, die in dasselb halbes Lehen geho^erent, auch alles ze Obern Streyttdorff gelegen, vnd das alles von wegen vnser Herrschafft ze Ortt von vns ze lehen rürt. Mit vrkund ditz briefs, geben ze Wienn an Pfincztag vor dem Sunttag als man singet Judica vnder vnser Pettschafft, wan wir vnser Insigel nutzemal bey vns nicht hetten, nach Cristi gepurde drewczehenhundert Jar darnach in dem Sechs vnd Newnczigistem Jare.

Source Fulltext: HAUSWIRTH, Schotten (=FRA II/18, 1859) S. 444-445