Wir Wilhalm von gotes gnaden Herczog ze Osterreich, ze Steyr, ze Kernden vnd ze Krain, Graf ze Tyrol etc. Bechennen, als der Ersam gaistlich vnser getrewr andechtiger Abbt Hainreich vnd der Conuent des Gotshaus vnserr frawn dacz den Schotten hie ze Wienn vnd vnser getrewn Lieben Hanns vnd Albrecht gebrueder von Eberstorff ettliche ire Gueter miteinander gewechselt habent, als die brief lautent, die sy darumb gen einander habent gegeben, daz wir durch fleissiger bete baider tailn zu demselben wechsel vnsern gunst vnd willen haben gegeben vnd besteten auch den wissentlich mit dem brief vnd mainen vnd wellen, daz derselb Wechsel beleib nach der obgeschriben irer brief Lautt. Mit Vrkunt dicz briefs. Geben ze Wienn an Suntag, als man singet Quasi modo geniti, nach Cristi gepurde Drewczehenhundert Jar darnach in dem Newn vnd Newnczigisten Jare.

Source Fulltext: HAUSWIRTH, Schotten (=FRA II/18, 1859) S. 468