Ich Niclas von Dornpach vnd ich Kunigund sein hausfraw vnd all vnser Erben Wir vergehen vnd tun kund allen den, die den brief lesent oder horent lesen, die nu lebent vnd hernach kunftig sind, das wir mit gutem willen, mit verdachtem mut vnd mit gesambter hant, zu der zeit, do wir es wol getun machten, vnd mit des erbern manns hannd hern Hawnolts des Schuechler, die zeit Hofmaister ze Dornpach, verchaufft haben vnsers rechten kaufguts, das wir miteinander mit gesambter hant gechaufft haben, vnsern weingarten, gelegen in den Pilichdorffern, des ein virtail eins Jewchs ist, zenechst dem Horngesslein, do man alle Jar von dient in den hof ze Dornpach dreissig wienner phenning ze Gruntrecht vnd auf Gotsleichnam Altar dacz sand Stephan ze Wienn achtzig wienner phenning ze Purkchrecht vnd nicht mer. Denselben weingarten haben wir recht vnd redleich verchaufft vnd geben mit allen den nutzen vnd Rechten, als wir in vnuersprochenleich in Gruntrechts gewer herpracht haben, vnd als er mit alter herchomen ist, vmb achtt phunt wienner phenning, der wir gantz vnd gar verricht vnd gewert sein, dem erbern herren hern Perichtolden dem Awer, zu den zeiten Kapplan der Kappelln sand Pangretzen gelegen an des Hertzogen Hof ze Wienn, der denselben weingarten gechaufft hat, im vnd seinen Nachkomen vnd derselben Kappellen furbas dabey ze beleiben, vmb die phenning, die zu derselben Kappelln gehört habent. Vnd sein auch wir obgenante, ich Niclas von Dornpach vnd ich Kunigund sein hawsfraw, vnd all vnser Erben vnuerschaidenleich des vorgenanten weingarten des egenanten hern Perichtolts des Awer vnd seiner Nachkomen, Kapplan der vorgenanten Kappellen, vnd derselben Kappellen recht gewern vnd scherm fur alle ansprach. als Gruntrechts recht ist vnd des Lanndes recht ze Österreich. Wer aber, das in fürbas an demselben weingarten icht kriegs oder ansprach auferstund, von wem das wer. mit Recht, swas si des schaden nement, das sullen wir in alles ausrichten vnd widercheren an allen iren schaden, vnd sullen auch si das haben auf vns vnuerschaidenleich vnd auf allem vnserm gut, das wir haben in dem land ze Österreich oder wo wir es haben, wir sein lehendig oder tod. Vnd das der kauf furbas also stet vnd vnczebrochen beleib, vnd wannd wir selber aigen Insigil nicht haben, darüber so geben wir in den brief zu ainem warn vrchund der sach versigilten mit des obgenanten Hofmaisters insigil hern Hawnolts des Schuechler vnd mit des erbern manns insigil hern Andres an Sand Peters Freithof, die zeit Kellermaister in Österreich, die wir des vleizzleich gepeten haben, das si der sach zewgen sind mit iren angehangen Insigiln, demselben Kellermaister an schaden. vnd verpinden vns auch mit vnserm trewn an geuerd vnder iren insigiln, alles das stet ze haben vnd ze laisten, das vor an dem brief geschriben stet, der geben ist ze Wienn nach Kristi gepurd virtzehenhundert Jar darnach in dem andern Jar, des nechsten Samtztags nach sand Veyts tag.

Source Fulltext: HAUSWIRTH, Schotten (=FRA II/18, 1859) S. 479-480