Wir Albrecht von gotes gnaden Herczog ze Österreich, ze Steyr, ze Kernden vnd ze Krain, Graue ze Tyrol etc. Bekennen vmb das haus gelegen hie ze Wienn auf der Renngassen zenachst Hansen dem Gru^ober, das dem Ersamen vnserm getrewn, andechtigen . . dem Abbt dacz den Schotten ist ledig worden, als er vns hat furbracht, daz wir in vnd auch die, den er dasselb Haus zu kauffen geben wirdt, dabei schirmen vnd halten wellen vor gwalt vnd vnrechten. Vnd gepieten auch vesticleich allen vnsern Vndertanen, den der brief wirdt geczaigt, vnd wellen ernstleich, daz sy in daran kain irrung tun an Recht, wann wir das ernstleich mainen. Mit vrchunt dicz briefs. Geben ze Wienn an Samcztag nach sand Lucastag Ewangeliste. Anno domini Millesimo Quadringentesimo Secundo.

Source Fulltext: HAUSWIRTH, Schotten (=FRA II/18, 1859) S. 481