In nomine domini amen. Anno natiuitatis eiusdem millesimo quadringentesimo octauo, indictione prima, mense Februarii, die vicesima quinta, hora nonarum uel quasi, pontificatus vero sanctissimi in Christo patriset domini nostri domini Gregorii diuina prouidentia pape duodecimi anno secundo, coram me notario et testibus infrascriptis constitutus personaliter honorandus vir dominus Petrus Starichant de Smida, plebanus eeclesie parrochialis sancti Michahelis in Götzesdorf prope Hertzogenburg Pataviemis dyocesis et capellanus capelle corporis Christi in Pulka diocesis eiusdem, exhibuit, presentauit et ostendit quasdarn presentacionis et confirmacionis super ipsius ecclesia et capella predictis patentes literas, quarum tenores describuntur inferius, sanas et integras, non abolitas, non cancellatus nec in aliqua sui parte suspectas, ut prima facie apparebat, sigillis patronorum seu collatorum et domini ordinarii confirmantis, ut postea declarabitur, communitas, prima videlicet presentacionis litera super parrochiali ecclesia in Götzesdorf predicta, sigillo rotundo appendenti famosi viri Johannis Druchsetz armigeri in cera viridi, in cujus medio apparuit effigies clipei bipartiti, cujus dextera pars simplex et plana, altera vero duabus sculptis videbatur eminenciis a sursum obliquis cum hijs circum ferencialibus literis, s. Hanns Druchsetz. Altera vero presentacionis litera super capella corporis Christi predicta, sigillo rotundo appendenti nobilis ac magnifici viri et domini domini Johannis dei gratia sacrosancti Romani imperii burggrauii Maydwurgensis et comitis in Hardekka in cera rubea, cujus medium clipeum continebat bipartitum, in parte dextera dimidiam aquilam, in sinistra vero quatuor sculptas eminencias directe per transuersum, super clipeum vero effigiem galee coronate cum duabus alis erectis sculptis cum hiis circumferencialibus literis, s. Johannis purggrafii de Maydwurg de Hardekka, a tergo ejusdem sigilli erat impressum signetulum in cera rubea continens sculptum clipeum cum media aquila et quatuor eminenciis, ut prescribitur de sigillo. Due vero confirmacionis litere super ecclesia et capella predictis sigillo rotundo appendenti reuerendi in Christo patris et domini domini Georii Patauiensis episcopi in cera rubea, in cujus medio sculptum erat stallum episcopale, in eodem stallo episcopus sedens, a dextris ipsius clipeus cum ymagine vulpis, in sinistris vero clipeus cum duorum cattorum effigie, literae vero circumferenciales erant, S. Georii episcopi Patauiensis, et a tergo ejusdem sigilli erat impressum signetum in cera rubea habens caracterern faciei ethyopis adimpressum. Quas quidem literas per me notarium et testes infrascriptos lectas, inspectas et legi auditas, ne ipsarum copia casu perdatur diffortuito, dictus dominus Petrus petiuit et instanter supplicauit, per me notarium infrascriptum transscribi et ad perpetuam rei memoriam publicari, nil addendo et nil minuendo, quod sensum mutet vel quod viciet intellectum, et transscriptum sic publicatum per me et testes infrascriptos diligenter auscultatum et solemniter in aliud unum uel alia plura instrumentum aut instrumenta publica redigi et signo nomineque meis solitis et consuetis publice roborari, ipsis litteris sic visis et inspectis abs omnibus suspicionibus reputatis, ego notarius et testes subscripti, ipsius domini Petri praedicti peticionibus utpote racionabilibus annuentes, prefatas literas exemplando transscripsi et fideliter publicaui, ut transscripto hujusmodi deinceps in omnibus adhibeatur et per omnia plena fides, sicut originalibus literis antedictis, quarum tenores secuntur funditus in hec verba.||
1406, 14. Februar. Dem hochwirdigen geistlichen Herren Hern Jörgen von gots genaden Bischofen zu Passaw, meinem genedigen herren, embeut ich Hans Druchsetz gesezzen zu Götzesdorf meinen undertenigen willigen Dinst zuvor. Genädiger Herr, ich send hiemit zu Ewrn genaden den ersamen Prister hern Petern den Starichant von Smida, dem ich gelihen hab sand Michelspharrkirchen daselbs zu Götzesdorf, dy von mir zu lehen ist und von Ewrn genaden zu bestätten, dy ledig worden ist mit dem tod von hern Jörgen seligen des nachsten und lessten Pharrer daselbs. Darumb so pit ich Ewr genad vnd rueff auch dy an, daz Ir denselben hern Petern auf diselben kirichen genedichlich bestätten wellet, nach Ewres hoffs ze Passaw rechten und gewonhaitten. Daz wil ich hinfüer umb Ewr genad dymütichlich verdienn. Geben zu Götzesdorf an Suntag, so man singet, Exsurge, quare obdormis domine, nach kristi gepurd virzehenhundert Jar und darnach in dem Sechsten Jar, versigelt mit meinem anhangundem Insigil.||
1406, 15.Februar. Item. Reuerendo domino in Chriso patri ac domino domino Georiodei et apostolicae sedis gratia episcopo Patauiensi, domino ac consangwineo nostro karissimo, nos Johannes, dei gratia sacrosancti Romani imperii burggrauius Maidwurgensis nec non comes in Hardekka, pro nunc marschalcus in Austria, obsequiosam in omnibus complacendi voluntatem. Ad capellam corporis Christi sitam in opido nostro Pulka vestre dyocesis, vacantem per obitum quondam domini Hainrici dicti Öchsner de Weissenburg presbyteri, ultimi et immediati rectoris eiusdem capelle, cujus jus patronatus ad nos et heredes nostros dinoscitur pertinere, fidelem nostrum Petrum dictum Starchant de Smida, presbyterum et capellanum nostrum, cum debita diligentia duximus presentandum ac presentibus presentamus, rogantes diligenter ac attente eandem paternitatem vestram, quatenus antedictum Petrum vel procuratorem suum ejus nomine de dicta capella auctoritate vestra ordinaria instituere et investire dignemini gratiose, adhibitis circa hoc sollemnitatibus debitis et conswetis. In cujus rei testimonium presentes literas edidimus nostri sigilli appensione munitas. Datum Wyenne feria secunda proxima ante Juliane Virginis, sub anno domini millesimo quadringentesimo sexto.||
1406, 9. März. Item. Georius Dei et apostolice sedis gratia episcopus Pataviensis dilecto in Christo . . rectori parrochialis ecclesie in Inczesdorf uel ejus locum tenenti nostre dyocesis salutem in domino. Quia ad parrochialem ecclesiam in Götzesdorf eiusdem nostre dyocesis vacantem ad presens per obitum quondam Georii ultimi rectoris illius dilectum in Christo Petrum Starchant de Smida presbyterum dicte dyocesis ad presentationem honesti viri Johannis Druchsetz armigeri dicte dyocesis, ad quem jus patronatus ipsius pertinere dinoscitur, rectorem instituimus per presentes ipsumque per librum, ut moris est, inuestiuimus presencialiter de eadem, curam animarum ac administracionem temporalium et spiritualium ipsius ecclesie ei tenore presencium committentes, quare tibi in virtute sancte obedientie precipimus et mandamus, quatenus eundem Petrum in corporalem possessionem dicte ecclesie ac omnium jurium et pertinenciarum ipsius inducas et inductum defendas, faciensque sibi de fructibus, redditibus, prouentibus, juribus et obuencionibus universis ad ipsam spectantibus ab omnibus, quorum interest, integre responderi, contradictores et rebelles auctoritate nostra per censuram ecclesiasticam firmiter compescendo. Datum Wyenne die nona mensis Marcii, anno domini millesimo quadringentesimo sexto.||
1406, 10. März. Item. Georius dei et apostolice sedis gratia episcopus Patauiensis dilecto in Christo Alberto, rectori hospitalis in Egenburg, uel ejus locum tenenti nostre dyocesis salutem in domino. Quia ad capellam corporis Christi sitam in opido Pulka eiusdem nostre dyocesis vacantem per obitum quondam Hainrici dicti Öchsner de Weissenburk, ultimi rectoris illius, dilectum in Christo Petrum Starchant de Smidach, presbyterum dicte nostre dyocesis, ad presentacionem magnifici viri Johannis comitis in Hardek, consanguinei nostri karissimi, ad quem jus patronatus ipsius dinoscitur pertinere, rectorem instituimus per presentes, ipsumque per librum, ut moris est, inuestiuimus presencialiter de eadem, curam et administracionem spiritualium et temporalium ipsius capelle ei tenore presencium committentes, quare tibi in virtute sancte obedientie precipimus firmiter et mandamus, quatenus eundem Petrum in corporalem possessionem dicte capelle ac omnium jurium et pertinenciarum ipsius inducas et inductum defendas faciensque sibi defructibus, redditibus, prouentibus, juribus et obuencionibus uniuersis ad ipsam spectaritibus, ab omnibus, quorum interest, integre responderi, contradictores et rebelles auctoritate nostra per censuram ecclesiasticam firmiter compescendo. Datum Wyenne decima die mensis Marcii, anno domini millesimo quadringentesimo sexto. Acta sunt hec anno, indictione, die, mense, hora et pontificatus, quibus supra, in stuba domus Conradi notarii Egenburge, presentibus honorandis et discretis viris domino Thoma et domino Petro sociis divinorum et domino Paulo capellano Egenburge, domino Nicolao capellano altaris sancti Wolfgangi siti in capella corporis Christi in Pulka, presbyteris patauiensis dyocesis, Nicolao Senger arcufice et Michaele Friessenekker sartore, ciuibus Egenburge, et quam pluribus aliis fide dignis testibus, ad premissa vocatis specialiter et rogatis. Et ego Conradus Friderici Patauiensis dyocesis, publicus auctoritate imperiali notarius, predictas literas sanas et integras omnibusque prorsus viciis et suspicionibus carentes unacum testibus prenominatis vidi ipsasque de verbo ad uerbum, nil addito uel diminuto, quod substantiam sententie mutet uel intellectum viciet, transscripsi fideliter et transscriptum per testes prescriptos auscultatum manu propria conscripsi et cum originalibus literis concordans in singulis in hanc publicam formam redegi signoque nomine meis solitis et consuetis signaui, ob ueritatis testimonium omnium premissorum rogatus et specialiter requisitus.

Source Fulltext: HAUSWIRTH, Schotten (=FRA II/18, 1859) S. 503-507