Ich Wolfgang der Purkchhartzperger, zu den zeiten Statrichter ze Wienn, vergich offenleich mit dem brief, das für mich kom in die pürgerschrann ze Wienn, do ich sas an offem gericht, Mert WeLser vnd klagt mit vorsprechen auf die v¨bertewrung auf Hannsen des Meichsner vnd seiner hausfrawn Agnesen Haws vnd swas dartzue gehöret vber das Purkchrecht, das emaln darauf ist, das do leit in der Ofenlukchen vor Widmertor ze Wienn zenechst Niclasen dem Ziegelprenner, vmb Sechs phunt wienner phenning, die si im paide vnuerschaidenleich gelten solten vnd dafür sy im das vorgenant Haws mit seiner zuegehorung ze phannt gesatzt Hieten nach des Gruntpuchs sag datz den Schotten ze Wienn, vnd klagt nach desselben Puechs sag als uerr, vntz er in nach allen fürboten vnd zewissentun das vorgenant Haws vnd swas dartzue gehöret mit rechtem nöttayding anerlanngt vnd behabt vor offem gericht. Do ward gefragt, was Recht wer. Do geuiel mit frag vnd mit vrtail, mir solt der vorgenant Mert der Welser mein Recht geben, das hat er getan, vnd solt ich in des egenanten Hawses vnd swas dartzu gehöret seins phannts gentzleich gewaltig machen vnd an die gewer setzen. Das han ich auch getan, also, das er mit demselben haws vnd seiner zuegehorung fu^erbas allen seinen frumen schaffen sol vnd mag mit verchauffen oder mit versetzen, wem er well, an allen irrsal, so uerr, das er des obgenant seins geltes alles gantz vnd gar dauon verrichtet vnd gewert werde. Vnd solt ich im des mein vrchund (geben). Vnd des ze vrchund gib ich im den brief versigilten mit meinem anhangundem Insigil. Der brief ist geben ze Wienn nach Kristi gepurd viertzehenhundert Jar darnach in dem dreytzehenten Jare, des nechsten Montags vor sand Anthonytag.

Source Fulltext: HAUSWIRTH, Schotten (=FRA II/18, 1859) S. 527