Georius dei et apostolice sedis gracia episcopus Patauiensis ad perpetuam rei memoriam. Licet ad singula monasteria nostre diocesis habeamus specialem affectum et ad ipsorum promocionem feruentius inclinemur, extensius tamen monasterium beate Marie virginis Scotorum ordinis sancti Benedicti Wyenne nostre diocesis, attenta eciam dileccione, quam habemus ad venerabilem nobis in Christo fratrem Thomam abbatem predicti monasterii, cupimus spiritualiter et temporaliter promouere. Quia vero idem monasterium a multis temporibus proch dolor per ignis voraginem miserabiliter consumptum fuit et diuersa clenodia ac litterarum monumenta et alia multa bona in eodem incendio inclusa fuerant et conclusa, in quibus dicto abbati et monasterio incepimus graciosius subuenire et singulos Christi fideles adbenefaciendum eisdem allectiuis muneribus incitare, eapropter omnibus Christi fidelibus, qui dictum monasterium in omnibus festiuitatibus beate Marie virginis, Natiuitatis, Circumcisionis, Ehiphanie domini et per octauas Resurreccionis, Ascensionis, Penthecostes, Corporis Christi et octauas omnium Apostolorum, omnium Sanctorum et in Commemoratione omnium animarum ac in Anniuersario dedicationis die deuote visitauerint et ad fabricam ipsius suas manus porrexerint adiutrices, de omnipotentis dei misericordia et beatorum Petri et Pauli apostolorum eius confisi suffragiis. quadraginta dies indulgentiarum de iniunctis sibi penitenciis misericorditer in domino relaxamus. Approbamus eciam et ratas habemus omnes singulas indulgentias, quas alii archicpiscopi vel episcopi katholici ad dictum monasterium prouide concesserunt, harum sub appensione nostri sigilli testimonio litterarum. Datum Wyenne VII. die mensis Julii, anno millesimo quadringentesimo tredecimo.

Source Fulltext: HAUSWIRTH, Schotten (=FRA II/18, 1859) S. 536-537