Wir Jorig von Gotes genaden Bischoff zu Passaw bekennen, daz fur vns komen vnser getrew lieb Hanns vnd Wolf gang Vettern die Floitten vnd baten vns diemütiklich, daz wir in die nachgeschriben Güter vnd Czehent geruchten zu uerleihen, wan die erblich auf si geuallen wären. Das haben wir also getan vnd haben in dieselben Güter vnd Czehent all verlihen vnd leihen in die auch vnd allen iren erben wissentlich in Krafft ditz briefs, waz wir in daran zu recht leihen sullen oder mugen, also daz si die nu furbazzer mit allen iren zugehorungen in Lehens weis von Vns vnd vnserm Gotzhaus innehaben, nutzen vnd messen mugen, als Lehens vnd Lanndes zu Osterreich recht ist, ane geuerde. Wir sein auch des ir Herre vnd scherm, als auch Landes recht ist, nach vnser vnd vnsers Gotzhaus auch rechten vnd gewonhait ane geuerd. Vnd sind die Lehen also genant. Zum Ersten zu Obern Ruspach auf funf vnd funftzig Jeuch Akcher, mynner ain viertail, zehent. Item daselbs auf Dreissig Viertail weingarten. Item den Zehent auf den Akchern im Eglsee vnd auf Gertten im Prül. Item Newn Jeuch Akcher. Item zu Nydern Ruspach ain viertail Cehent zu Velld vnd zu Dorff. Item zu Obern Hauczental ain Achttail Cehent zu Velld vnd zu Dorff. Item zu Frawndorff ain Weinczehentl. Item zu Tewffental vnd zu Obern Stelczerndorff ain Viertail zehent. Mit Vrkunt des briefs. Geben zu Wyenn an Suntag nach Assumpcionis Marie, nach Christi geburd vierczehenhundert Jar vnd darnach in dem Vierczehendem Jare.

Source Fulltext: HAUSWIRTH, Schotten (=FRA II/18, 1859) S. 540