Ich pruder Sygmund Ramung lanntconmentew^er Dew^etschherren Ordens in Österreich und ich bruder Caspar Mürczer hausconmentew^er Dew^etsch Ordens des hauses ze Wienn und wir die pruderschafft gemain daselbs vergehen fu^er uns und all unser nachko^emen und tu^en kund offennleich mit dem brief allen lew^eten yecz lembtigen und hernach kunftigen, das wir mit gu^etem willen mit wolbedachtem mu^et und veraintem rat zu der zeit da wir das mit recht wolgetu^en mochten und mit gunst und willen des hochgeborn fu^ersten herczog Albrechts herczogen ze Österreich etc. unsers gne^edigen herren und von merkchleicher unser notturfft und geltschuld wegen darin das vorgenannte unser haws ko^emen ist und an derselben geltschuld man die hernach geschriben summe gelts beczalt hat rechtt und redleich verchaufft haben unsers rechten frey^en ay^egens von erst unsern akcker gelegen ausserhalb der Allsserstrass zwischen den hofsteten und sto^esst mit ainem ort an die mu^el genant die Trawsennicht und an ir^en mu^el graben mitsambt dem Ley^ettlein weingartens unden daran, und auch ain phunt phenning gelts gruntdi^enst auf der egenannten mu^el. Das alles haben wir mit allen den er^en nu^eczen und rechten als wir es alles unversprochenleich in aigens gewer inngehabt und herbracht haben und damit es dann von alter herko^emen ist rechtt und redleich verchaufft und geben umb achczig phunt wienner phenning der swarczen mu^enss, der wir gancz und gar verrichtt und gewert sein, dem erbern Mathias Voburger burger ze Wienn und seinen erben fu^erbas ledichleich und frey^eleich ze haben und allen ir^en frumen damit ze schaffen, mit verchauffen, verseczen, schaffen machen und geben wem sy^e wellen und alles das damit hanndln und tu^en das in aller pesst fu^egt wolgeveldt an unser unserr nachko^emen und me^anichleichs von unsern wegen irrung und hindernu^azz ungeve^arleich und sein auch wir ich obgenanter pru^eder Sygmund Ramung lanntconmentewr, ich pru^eder Caspar Mürczer hawsconmentewr und die pru^ederschafft gemain daselbs mitsambt allen unsern nachko^emen des vorgenanten akchers mitsambt dem Ley^ettlein weingartens darunder und des egenannten phunt phenning gelts gruntdi^enst auf der benannten mu^el des egenannten Mathias Voburger und seiner erben rechtt gewern und scherm fu^er alle ansprach als kaufs frey^es ay^egens gruntrechts und des lanndes ze Österreich recht ist. Ging in aber mit recht daran icht ab oder stund in icht krieg oder ansprach daran auf von wem das we^er mit recht was sy^e des schaden nement das su^ellen und wellen wir in alles ausrichten und widerkern an alle widerred ungeve^arleich und sullen auch sy^e das haben hincz uns und unsern nachko^emen und darczu auf allem dem gu^et, das zu dem vorgenannten unserm haws geho^eret es sey^e erbgu^et oder varundgu^et wie das genant oder wo das gelegen ist, das wir dann haben in dem lannde ze Österreich und das der kauf furbas also ste^at und unczerbrochen beleib. Des zu einem warn offenn urchund geben wir fu^er uns und all unser nachkomen in den brief besig^elten mit mein obgenannten pruder Sygmundts des Ramung lantconmentew^er anhangundem ambt insigl und mit des vorgenanten hauses dacz dem Dew^etschen Hawse ze Wienn auch anhangunden insigel. Geben ze Wienn an frey^etag nach unser lieben frawntag zu der liechtmezz nach Kristi gepurd vierczehenhundert und in dem drew und zwainczigisten iare.