Nos Otto, dei gratia Dux. Austrie et Styrie, Dominus Carniole Marchie ac portusnaonis. Comes in Habspurch et in Chyburch nec non Lantgrafius Alsatie superioris. ad vniuersorum notitiam cupimus peruenire. quod nos necessitates ae defectus. quibus honorabiles et religiosi viri Abbas et Conventus Monasterij in Seytesteten pronunc vt plurimum sunt perplexi. pie considerationis intuitu benignius aduertentes. ac eos in suis||
oportunitatibus. sinceris et promotiuis affectibus prosequentes pro subsidio domus ipsorum hanc eisdem fecimus gratiam, et presentibus de nostra speciali benivolentia duximus perpetuo concedendam. quod ipsi debent et poterunt in antea singulis annis, duos ternarios salis ad ipsorum Monasterium de Hallis sine muta et exactione qualibet deducere. pretextu gratie prenotate. Quare singulis nostris mutarijs et Officialibus seriose||
iniungimus et mandamus. quatenus dictos Abbatem et Conuentum in Seytesteten pretextu. nostre dicte concessionis. in dictis salibus ipsis ut premittitur. libere deducendis impedire nec pregrauare nostre gratie sub obtentu quoquomodo debeant aut presumant. Cupientes specialiter et uolentes, id nostri predecessorum ac successorum nostrorum salutis ob augmentum perpetuis in futurum temporibus firmiter obseruari. In cuius concessionis ac donationis testimonium (has litteras de) dimus nostri sigilli munimine roboratas. Datum Styre in die An (nuntiationis) beate virginis. Anno domini Millesimo. CCC°. Tricesimo Quinto.

Source Fulltext: RAAB, Seitenstetten (=FRA II/33, Wien 1870) S. 195-196