Ich Vlreich von poppendorf, purkgraf cze Steyr, vergich vnd tun chunt, Daz von meins herren ... des mansgescheft wegen fur mich chomen der erwirdig her abpt Ergelschalich von Seydenstetn an einem tail, vnd hainr. von Lewtzendorf an dem andern tail, vmb alle die chrieg vnd stoz, die si mit einander hetten von der lehenschaft eins hofs wegen, gelegen dacz sand peter in der Aw. Daz si dar vmb cze paiderseit mit gutem willen genczlich gegangen sind hinder die erbern herren, hern Dietreichen von Losenstain, hern Seyboten von Volkcherstorf, vnd Lewtolden den Stainvurrewter. Waz die . . daruber erfuenden vnd||
sprechen, do solt es furbas stet bei beleibn an geuer. Di habent daruber erfuenden vnd gesprochen, daz der vorgenant hainrich von leuczendorf, sein erbn, noch nyemant von seinen wegen hincz dem vorgenanten erwirdigen herren abpt Engelschalch von Seydensteten, hincz seinen nachchomen, noch hincz demselben gotzhaws vnd hincz allen irn gutern von der obgenanten lehenschaft wegen chain ansprach nicht haben, noch gewinnen sullen. weder vil noch wenig. Mit vrchund des briefs, versigelt mit meinem anhangundem Insigel. Gebn cze Steyr am Sunntag an (na?) sand Pawlstag. als er bechert ward. Anno domini Millesimo CCC°. LX. septimo.

Source Fulltext: RAAB, Seitenstetten (=FRA II/33, Wien 1870) S. 250-251