In nomine domini amen. Fridericus dei gratia sancte Salzburgensis Ecclesie Archiepiscopus Apostolice sedis legatus Ad perpetuam rei memoriam. Cum iam dudum inter dilectos in Christo Nicolaum Abbatem et Conuentum Monasterij sancti Pauli in valle Lauentina, nostre dyocesis, ex vna parte, et Meinhardum prepositum et capitulum Ecclesie sancti Andree in valle predicta ex altera super terminis, finibus et limitibus parrochie sanctj Egidij ad sanctum Paulum et parrochie ad sanctum Andream questio esset mota, Abbate et Conuentu predicto asserentibus ad suam parrochiam pertinere, sibique iure parrochiali debere subesse homines et habitatores villarum, arearum et locorum infrascriptarum et infrascriptorum, que hiis nominibus designantur. Villa in Stadlern¹ et in Pach cum suis pertinentiis. Item castrum Cholntz² cum ecclesia sanctorum Pancracij et Floriani et cum villa subiacente, eum earum attinentiis. Item ambe ville in Huntsdorf, et omnes residentes in Hard, usque ad rippam Grednitz. Item villa in Muldorf cum suis attinentiis, exceptis duabus hubis. Item duo mansi in Aich. Item duo mansi in Oberpuchlern. Item due aree in Linthouen. Item duo mansi in monte Dachperch. Item vna domus in Oberndorf. Item vnus mansus in Rayach. Item vnus mansus vltra Ripam. Item vnus mansus in Pu^ochlern quod est supra Paierdorf. Item villa in Vorhach, cum suis pertinentiis. Item in Eysachdorf³ aree nouem. Item in Rakkonich aree quinque. Item villa Alhartzdorf cum suis pertinentiis. Item curia domini Syfridi que est sita supra Alhartzdorf. Item omnes domus supra Rayn circa Alhartzdorf,⁴ et in Varst ex utraque parte, et in Lewrn,⁵ in Puchlern.⁶ Item ambe ville in Revntz usque ad ripam que vocatur Revntz,⁷ exceptis duabus hu^obis supra Rayn circa Alhartzdorf. Preposito vero et Capitulo sancti Andree dicentibus ex aduerso, predictas villas, areas et loca iure communi ad suam parrochiam pertinere, et infra limites sue parrochie sitas et sita esse. Memorate partes postquam de premissis per longi temporis spacium disseptassent, super questione, lite et causa, quas ad inuicem ratione terminorum, finium et limitum dictarum parrochiarum hactenus habuerunt, in nos tamquam in arbitrum, arbitratorem, et amicabilem compositorem compromiserunt sponte et vnanimi voluntate, ita quod absque strepitu et figura iudicij, servato ordine iuris vel non seruato, de questione, lite, et causa predictis, possemus cognoscere, et a senioribus dictarum parrochiarum veritatem indagare, et illas secundum quod nobis equum videretur terminare et limites, si quos cunfusos et intricatos inueniremus, reformare, et promiserunt quod gratum et firmum habeant, quod circa premissa per nos arbitratum fuerit et statutum, prout in earundem partium instrumentis super hoc confectis et cum earum sigillis nobis traditis continetur, que de verbo ad verbum per omnia sic sunt scripta. (Nun folgen die gleichlautenden Ernennungen des Erzbischofs zum Schiedsrichter von den Capiteln von St. Paul und St. Andreä.) Nos itaque eorundem Abbatis et prepositi precibus inclinati compromissum huiusmodi in nos recepimus finemque predicte questioni componere cupientes, discretos viros Nicolaum prepositum in Stevntz⁸ Secouiensis dyocesis et magistrum Rudolfum de Dorn canonicum Brixnensem, familiarem nostrum, transmisimus ad parrochias supradictas, vt ipsi auctoritate nostra more recipiendorum testium reciperent testes, quos utraque partium super iure suo probando duceret producendos, et tam ab illis, quam ab aliis senioribus et melioribus dictarum parrochiarum sollerter inquirerent de premissis omnibus veritatem et audirent, que partes vellent proponere coram ipsis, ac nobis refferrent fideliter quicquid erga premissa inuenirent. Qui iuxta commissionem nostram ad easdem parrochias personaliter venientes testes, quos produxerint partes, prestito ab eisdem iuramento more solito receperunt, ac eorum attestationes redactas in scriptis, ad nostram audientiam retulerunt, quorum relatione recepta, et in, ea contentis diligenter perlectis et consideratis pro parrochia sancti Andree sufficienter probatum inuenimus, quod homines libere condicionis utriusque sexus, residentes in villis, curiis, domibus, areis et locis aliis supradictis audierunt hactenus et audiunt diuina officia in parrochiali ecclesia sancti Andree, et ab ipsa semper receperunt et adhuc recipiunt omnia ecclesiastica sacramenta. Et quod dicte ville vna cum locis supradictis sunt posite infra eandem parrochiam et suos limites, qui hiis tribus ripis siue fluuiis, videlicet Tobel, Revntz et Grednitz, distinquuntur. Et quod parrochialis decima in eisdem villis atque locis parrochiali ecclesie ad sanctum Andream semper hactenus est soluta. Pro Ecclesia vero parrochiali sancti Pauli hoc solum probatum reperimus, quod homines seruilis conditionis, residentes in villis et locis eisdem, qui sunt monasterij sancti Pauli et qui olim fuerunt proprii comitis de Pfannberch, semper de consuetudine ecclesiam parrochialem sancti Pauli pro diuinis officiis audiendis frequentarunt, et in ipsa sacramenta ecclesiastica receperunt, de illa tamen consuetudine in illis locis magnus error cum graui scandalo insurgebat. Nam cognouimus ex confessione partium et attestacionibus supradictis, quod vir et vxor non ibant simul ad vnam ecclesiam ad audiendum diuina officia et recipiendum ecclesiastica sacramenta, set alter eorum qui erat condicionis libere, accessit ad ecclesiam sancti Andree, et alter, qui erat seruilis condicionis, ibat ad ecclesiam sancti Pauli. Secundo quoque plerumque inconueniens sequitur, vt locus, qui nunc vnam dictarum parrochiarum respicere videbatur, subito venientibus habitatoribus alterius condicionis ad aliam parrochiam trahebatur. Confiderantes ergo absonum fore et absurdum virum et uxorem ad imparia iudicari, et habitatores eorundem locorum quantum ad iura parrochialia diuerso iure censeri, ac propter mutationem habitatorum limites parrochiarum mutari et confundi, volentes quoque litium et scandali materiam submouere, visis et consideratis diligenter iuribus partium et communicato sapientum consilio, dei quoque nomine inuocato arbitramur, diffinimus et sententialiter diffiniendo pronunciamus in hiis scriptis, quod ville, curie, domus et aree sev loca infrascripte uel infrascripta cum suis pertinentiis et habitatores eorundem cuiuscumque condicionis sint uel fuerint in antea et in perpetuum semper pertineant iure parrochiali ad ecclesiam sancti Pauli, et in ipsa tamquam eorum parrochia recipiant ecclesiastica sacramenta, saluo, quod parrochialis decima que in eisdem locis dari debet, soluatur ecclesie sancti Andree, prout eidem hactenus est soluta. Ville ac curie, domus et aree siue loca, quas et que adiudicamus et deputamus parrochie ad sanctum Paulum, hiis nominibus denotantur. In insula molendinum vnum. Item circa sanctum Paulum tres domus. Item in Hard quatuor domus. Item in Huntzdorf inferiori quatuor domus. Item in Huntzdorf superiori quinque domus. Item in Pach tres domus. Item in Rayn tres domus. Item in Rakkonick quatuor domus. Item circa pontem prope sanctum Paulum vna domus. Item in metis circa Revntz quatuor domus. Item in villa Revntz septem domus. Item in Lebern octo domus et si que adhuc ibidem fient. Item villa Alharsdorf. Quibus villis et locis ecclesia parrochialis sancti Pauli pro terminis, limitibus et finibus amodo sit contenta. Reliquas uero omnes et singulas villas, curias, domus et areas supradictas, castrum quoque Cholntz et capellam suam et villam ac curias iuxta illa et sub illo positas cum suis pertinentiis aliaque loca posita infra limites parrochie sancti Andree supradictis tribus fluuiis conclusos, cuiuscumque eciam condicionis sint uel fuerint, qui illas uel illa inhabitant uel inhabitabunt, adiudicamus parrochie sancti Andree, vt habitatores illorum in perpetuum audiant diuina officia in ipsa et ecclesiastica recipiant sacramenta ac parrochiales decimas et alia iura parrochialia persoluant eidem. Volumus tamen, quod habitatores et incole locorum predictorum eligendi sepulturam vbicumque voluerint, more tamen canonico, et sepulturas maiorum suorum obseruandi liberam habeant facultatem. In cuius rei testimonium presentes dedimus litteras nostri sigilli munimine roboratas.

Source Fulltext: SCHROLL, Urkundenbuch St. Paul (= FRA II/39, Wien 1876) S. 209-213