... alß die edlfrau Kunigund, Jörgen des Gräbl säligen witib, auß sundren vertrauen und freuntschafft, so sy zuuns gehabt hat, und aus bewegung des heiligen geysts, dem allmechtigen gott zu lob, und zu hayl yerer, irs hauswirts, her kinder und aller irer vordem und nachkomen und allen glaubigen seelen in unsern gotshaus ain ewigen jähr tag ze stifftn mit vleysß an uns begert und gebettn hat. Solchen guettn willen und gebett wir angesehn und uns gewilliget habn, solchs aufzunemen und zu vollbringen und willigen uns auch wissentlich in kraft des briefs ain ewigen jähr tag yez in irem leben und auch nach irem tod, mit namen ain vigili und ain selambt allweg zwischen ostern undpfingsten, wenn wir dasfugleich bekomen mugen zehalten ungeverleich. Und wan sy mit tod abget, so sullen wir irer sei zu heyl begeen das erst, das 7. und das 30. mit vigili, selambt und gesbrochen meessen, als vill wir der ungeverlich gehaben mugn, und 30 mesß nach einander sbrechen, als das die verschreibung, die wir von ir haben aygentleich innhalt. Umb solhen gotsdienst sy uns 60 guidein Unger und tucaten beraitt geben hat.