C. In nomine sancte et indiuidue trinitatis eiusdemque inseparabilis unitatis ego Gebehard abbas II. in Wilheringen. Cum per diuinam prouidentiam ad hoc positi sumus, ut locum conmissum nobis tam in temporalibus quam in spiritualibus pro posse nostro ad omnipotentis dei cultum et honorem promoueamus, dedimus operam cooperante gratia ipsius, qui de minimis magna facit, ut offitium nobis in maxima paupertate iniunctum non negligeremus, Allodia pro tenuitate nostra conparauimus, conparata siue donata quedam conmodius nobis conmutauimus, ut de conparatis nobis prouenirent necessaria et de conmodius locatis pociora. Inter que allodium quoddam delegauit nobis quidam de familia fundatorum loci nostri O^vdalrici et Colonis nomine Otagger de Suhloch, cuius allodii uocabulum est Cogel, cum omni iusticia sua in siluis, pratis, pascuis, uiis et inuiis et uniuersis conmoditatibus svis, cui nos concambium dedimus curiam unam et molendinum, que sita sunt in loco, qui uocatur Siggenvvrt. Hec litteris iccirco mandauimus, ut posteri norint, unde prefatum predium ecclesie nostre peruenerit nullique liceat de sanctuario tollere, quod rebus sanctuarii conparatum constat sanctuario. prouenisse. Huius rei testes sunt Liberi, Gebehart de iugelbach, Heinrich de Scovvenburg, Adelram filius adelrammi de Cambe, Friderich de No^vvar, Werenhart de brabach, Werenhart de Kirecheim, Wernhart de Ovva, Ministeriales, O^vdelrich de Michelenbach, Otto de Nordelenbach, Arno de Zivviselberg, Hertvvig de buhele, Werenhart de Vverde, O^vdelrich de brunne, durenhart de lengenbach, Erbo de Taueresheim. Item non minus recolat pia recordatio fratrum, qualiter Wernhart de Trvna homo de familia fundatorum loci huius Vdalrici et colonis delegauit predium quoddam per manus Adelrammi libere conditionis uiri de oftheringen ad altare beate Marie in Wilheringen cum omni iusticia sua in siluis, in pratis, in pascuis, uiis et inuiis, sicuti coutuntur conciues in uilla prefata, ea conditione interiecta, ut ipse predictum predium, quamdiu uiuat, cum omni integritate iuris sui possideat ac deinceps dominio ecclesie, cui collatum est, deueniat. Et sciendum, quod ad nullum heredum suorum aliquo modo pertinuit eo, quod excepit de aliis possessionibus suis oblaturus hoc deo pro peccatis suis. Postea uero conplacuit ei, ut suum uitale pactum ecclesie conferret et ei X solidos ecclesia per singulos annos in festo beati Georgii solueret, nisi forte inspirauerit ei deus, ut hunc ipsum censum pro salute anime sue fratribus remittat et ipsum allodium sine omni contradictione libere et absolute deinceps ecclesia possideat. Verum ne ingrati eiusdem ecclesie confratres bis eius benefitiis existerent, locum sepulture ei in gremio eiusdem ecclesie dederunt, quod ipse magnis precibus ab eis obtinere curauit. Anno domini M. C. LX. I. Indictione VIIII. acta sunt hec sub his testibus. Bernhart de Trvna et frater eius Ernost, Adelram de oftheringen et filius eius Adelram., hii libere conditionis uiri. Ministeriales Sigehardus de rotalae, Marquard de Werde, Lůtoldus longus, Lůtoldus parvus, Cunradus de mulbach. (Auf der Rückseite) Cunradus kelech cognomine Adelbero, Gvernhardus de kvrecheim, Vvernhardus de Trvna, Vdelrich de kyricstetin, Goteschalcus, Gerloch, Irmhart, Ysenrich, Kadelhoch, Gerolt, Otger, Megenhart, Gozbracht, Vvolfgang, Bilgrim, Adelbracht.

Source Fulltext: OÖUB 2 (Wien 1856) S. 312-313