Nos fr. H(ermannus) dictus abbas in Hilaria anno Domini M° ccc° xlix° dominica prima post festum sancte trinitatis abbaciam in Cella Angelorum filiam nostram regulariter visitantes talem inuenimus et reliquimus statum ejusdem domus. Receperant a proxima preterita visitatione, que facta fuit anno Dni. M° ccc° xlviij in die Invencionis sancti Stephani vsque in presens de servicio, de vino ad portam et in circulo vendito ac de aliquibus bonis ab ejs redemp-tis, mutuis et obuencionibus alijs quibuscunque ccc/alxvj tl. v. solidos x denar. Expense per idem tempus receptis correspondebant. Debita absoluta, de quibus non dabatur pensio cxxx tl. cum dimidio fuerunt. Item debita absoluta, de quibus seruiebant, dant ccc x lviij tl. Precarie vero pensiones ad xxix tl. et Ix den. extendisse se computabant. Insuper vini et bladi habebant sufficienciam vltra noua. In quorum omnium euidenciam huic karte sigilli nostri karakterem duximus imprimendum.

Source Fulltext: OÖUB 7 (Wien 1876) Nr. 111, S. 110