Wir Chonrad abbt zu Wilhering und der ganncz convent daselbs veriehen und tun kund offenlich mit dem brief allen den, dy in horen, ansehen oder/ lesen, das wir mit wolbedachtem [muet] unverschaidenlich verliehen und verlassen haben Hannsen dem Ridelperger, Ursula seiner hawsfrawen und sein erben/ unser gut zu Rannczing mit aller [seiner] zugehorung zu ainem rechten freyn kawfrecht mit allen eren, rechten und von alltter darzu gehort und auch als/ es her ist komen, und so dann [das] unser vorvoder und der erwirdig unser vatter und herr, abbt Ulreich saliger verkawfft hat; also haben wir im/ das verliehen und lassen umb ain gelt, des wir von in gancz gericht und gwert sein an all verziehen und schaden in solher beschaiden, das sy und all sein/ erben oder wer das gut von uns ze lehen hat all jar jerlich davon raichen und dienn sol den gewondlichen dienst nach unsers urbar puech lawt und/ sag; sy sullen auch unser [gwertig] gehorsam holden sein mit alle dew und recht ist, kayn herren noch schermb fur uns nemen oder sy hietten/ alle ire rechtten [an dem egenanten] gut [verloren]; es ist auch zu merkchen, ob sich das gut verwandlet von ainem auf den andern, wie sich das ymmer/ fueget oder […] gevallen, es sey abfart, anlaidt oder tod von yeslichem besunder zween und dreissigk/ phennig; sy sullen […] und vor unser zu recht sten umb all sach und dem gotshaws not beschach einer stewr/ oder dem lanndesfursten […] sy leiden stewr nach gnaden; wir sein auch des benantten kawfrecht ir recht gewern und/ furstanndt alsoft in […] solhs kawfrechts recht ist in dem lannd [in] Osterreich ob der Enns; es ist auch zu merkchen, / ob sew ire rechtten [wolten oder musten] verkawffen oder verseczen, wie sich das fueget, so sullen sy uns vor [anpieten] das abzelosen; woltten/ wir dann das nicht losen, so mugen [sy] dann wol verkawffen oder verseczen, doch nur sein gleich und nach unserm ratt und willen, anders/ es hiet kain krafft und […] rechtten als dy oben gemelt sind; das dy red und dy sach also stat und […] bleib daruber so/ geben wir in den brief besigelten mit unsern paiden anhanngunden insigeln, der geben ist nach kristi gepurd vierczehen hundert und in dem newn-/ und sechzigistem jare an phincztag [vor] sannd merten tag.